കൊച്ചി:ഹോട്ടലുകളിലെയും ബേക്കറികളികളിലെയും ജീവനക്കാരുടെ ഫോണുകള്‍ കവരുന്ന യുവാവും യുവതിയും അറസ്റ്റില്‍.കാസര്‍കോട് സ്വദേശി അലി അഷ്‌ക്കര്‍, തൃശൂര്‍ സ്വദേശിനി ആന്‍മേരി എന്നിവരെയാണ് എറണാകുളം സെന്‍ട്രല്‍ പൊലീസ് പിടികൂടിയത്.
കൊച്ചി നഗരത്തിലെ ഹോട്ടലുകളും, ബേക്കറികളും കേന്ദ്രീകരിച്ചാണ് ഇരുവരും കവര്‍ച്ച നടത്തി വന്നത്.ഒടുവില്‍ കൊച്ചി എംജി റോഡില്‍ ഇതര സംസ്ഥാനക്കാരനായ ബേക്കറി ജീവനക്കാരന്റെ ഫോണ്‍ മോഷ്ടിച്ച കേസിലാണ് ഇരുവരും പിടിയിലായത്.
ബേക്കറിയിലെത്തി ഭക്ഷണം കഴിച്ച ശേഷം മടങ്ങുമ്പോഴാണ് മോഷണം. ബേക്കറി ജീവനക്കാരനില്‍ നിന്നും കോള്‍ ചെയ്യാനെന്ന വ്യാജേന ഫോണ്‍ വാങ്ങിയ ശേഷം ഇരുവരും മുങ്ങുന്നതാണ് രീതി. ഇത്തരത്തില്‍ നിരവധി മോഷണങ്ങളാണ് നടത്തിയത്. സി സി ടി വി ദൃശ്യങ്ങള്‍ കേന്ദ്രീകരിച്ച് പൊലീസ് നടത്തിയ അന്വേഷണത്തിലാണ് ഇരുവരും പിടിയിലായത്.
നേരത്തെ വാഹന മോഷണ കേസിലും അലി അഷ്‌ക്കര്‍ പിടിയിലായിട്ടുണ്ട്. മറ്റു വ്യാപാര സ്ഥാപനങ്ങളിലും സമാന രീതിയില്‍ ഇവര്‍ കവര്‍ച്ച നടത്തിയതായാണ് വിവരം. കോടതിയില്‍ ഹാജരാക്കി പ്രതികളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക