അന്താരാഷ്‌ട്ര ഗീതാമഹോത്സവം പ്രഖ്യാപിക്കാനുള്ള സമ്മേളനത്തില്‍ പങ്കെടുക്കാന്‍ ടാന്‍സാനിയയുടെ അംബാസഡറായ മുസ്ലിംവനിത

ചണ്ഡീഗഢ് :ഹരിയാനയില്‍ നടക്കാന്‍ പോകുന്ന അന്താരാഷ്‌ട്ര ഗീതമഹോത്സവം പ്രഖ്യാപിക്കാന്‍ വേണ്ടി വിളിച്ചുകൂട്ടിയ സമ്മേളനത്തില്‍ ആദ്യന്തം പങ്കെടുത്ത് ടാന്‍സാനിയയുടെ അംബാസഡറായ മുസ്ലിം വനിത. അനിസ കപൂഫി എംബേഗയാണ് ഹരിയാനയില്‍ എത്തിയത്. ബുര്‍ഖ ധരിച്ച അനിസ കപൂഫി എംബേഗ വ്യക്തമായ ഇംഗ്ലീഷിലാണ് മാധ്യമപ്രവര്‍ത്തകരുമായി സംസാരിച്ചത്.

#WATCH | Chandigarh: On International Gita Mahotsav, Tanzania Ambassador, Anisa Kapufi Mbega says, "I am here in Haryana to participate in the conference for the announcement of upcoming International Gita Mahotsav…This gives a platform to the people of Tanzania and here people… pic.twitter.com/YUzrXysoE9

— ANI (@ANI) November 22, 2024

“ഹരിയാനയില്‍ നടക്കാന്‍ പോകുന്ന അന്താരാഷ്‌ട്ര ഗീതമഹോത്സവത്തെക്കുറിച്ച് പ്രഖ്യാപനം നടത്താനുള്ള വാര്‍ത്താ സമ്മേളനത്തില്‍ പങ്കെടുക്കാനാണ് ഞാന്‍ ഇവിടെ എത്തിയത്. ടാന്‍സാനിയ ഈ സമ്മേളനത്തില്‍ പങ്കാളിയാണ്. ഇത് വിശ്വാസത്തെ സംബന്ധിച്ച സമ്മേളനമാണ്.ഇതില്‍ പങ്കെടുക്കാന്‍ ലോകത്തിന്റെ നാനാഭാഗങ്ങളില്‍ നിന്നും പ്രതിനിധികള്‍ എത്തും.”- അനിസ കപൂഫി എംബേഗ പറഞ്ഞു. ഈ സമ്മേളനത്തില്‍ സാംസ്കാരിക വിഭാഗവും ഉള്‍പ്പെടുന്നു. ടാന്‍സിയക്കാര്‍ക്ക് ഈ സമ്മേളനം നല്ലൊരു പ്ലാറ്റ്ഫോം നല്‍കുമെന്നും അവര്‍ പറഞ്ഞു.

“ഇന്ത്യയിലെ ടാന്‍സാനിയക്കാരുമായി ഞങ്ങള്‍ക്ക് ഇതുവഴി ബന്ധപ്പെടാന്‍ സാധിക്കും. ഗീതാ മഹോത്സവം വഴി തീര്‍ച്ചയായും ടാന്‍സാനിയയ്‌ക്ക് ഗുണം ലഭിക്കും.” -അനിസ കപൂഫി എംബേഗ പറയുന്നു. ടാന്‍സാനിയ ഒരു ക്രിസ്ത്യന്‍ രാജ്യമാണെങ്കിലും മൂന്നില്‍ ഒന്ന് മുസ്ലിങ്ങളാണ്. ഹിന്ദു, സിഖ്, ബുദ്ധ വിഭാഗങ്ങള്‍ വളരെ ന്യൂനപക്ഷമാണിവിടെ.