വൈക്കം ; കള്ളനെ പിടിക്കാൻ ഉറങ്ങാതെ കാവലിരുന്ന വീട്ടിൽ തന്നെ കള്ളൻ കയറി. വൈക്കം വെള്ളൂർ സ്വദേശി ഗോപാലകൃഷ്ണന്റെ വീട്ടിൽ നിന്നാണ് 25,000 രൂപ മോഷണം പോയത്.
കള്ളൻമാർ പ്രദേശത്തുണ്ടെന്ന് പൊലീസ് അറിയിച്ചതിന് പിന്നാലെ രാത്രിയിൽ ഉറങ്ങാതെ ലൈറ്റിട്ട് കാവലിരുന്നതാണ് ഗോപാലകൃഷണൻ . നാട്ടുകാരെ മുഴുവൻ ശല്യം ചെയ്തിരുന്ന കള്ളൻ പരിസരത്ത് എത്തിയിട്ടുണ്ടെന്നും എല്ലാവരും ലൈറ്റുകൾ ഇട്ട് ജാഗ്രതയോടെ ഇരിക്കണമെന്നുമായിരുന്നു പോലീസ് നിർദേശം . ഇതനുസരിച്ച് കാവലിരുന്ന ഗോപാ‍ലകൃഷ്ണൻ പുലർച്ചെയോടെ മയങ്ങി പോയി
ഈ സമയം കൊണ്ടാണ് കുറ്റിയിടാതിരുന്ന വാതിലിലൂടെ അകത്തു കടന്ന കള്ളൻ 25,000 രൂപയും കൊണ്ട് കടന്നത്. വീട്ടിലുണ്ടായിരുന്ന മുക്കുപണ്ടങ്ങളും എടുത്തെങ്കിലും അത് കൃത്യമായി അയൽ വക്കത്തെ പറമ്പിൽ ഉപേക്ഷിച്ചു. ഡോഗ് സ്ക്വഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി
പ്രതികരിക്കാൻ ഇവിടെ എഴുതുക