പത്തനംതിട്ട: പുല്ലുമേടിലൂടെ കാനന പാത വഴി സന്നിധാനത്തേക്ക് വരവെ വനത്തില് കുരുങ്ങിയ ശബരിമല തീര്ത്ഥാടകരെ രക്ഷപ്പെടുത്തി. ദുര്ഘട വഴിയില് തമിഴ്നാട്ടില് നിന്നുളള സംഘത്തിലെ മൂന്ന് പേര്ക്ക് നടക്കാന് കഴിയാതെ വന്നതോടെയാണ് തീര്ത്ഥാടകര് വനത്തില് കുടുങ്ങിയത്.
വനംവകുപ്പ് ഉദ്യോഗസ്ഥര് അറിയിച്ചതിനെ തുടര്ന്ന് ദേശീയ ദുരന്ത നിവാരണ സേനയും അഗ്നിശമന സേനയും പൊലീസും ചേര്ന്ന് ഇവരെ രക്ഷിച്ച് സന്നിധാനത്ത് എത്തിച്ചു.സംഘത്തില് 32 പേരാണ് ഉണ്ടായിരുന്നത്. ഇതില് മൂന്ന് പേര്ക്കാണ് പേശി വലിവ് കാരണം നടക്കാന് കഴിയാതെ വന്നത്.
സന്നിധാനത്ത് നിന്ന് രണ്ട് കിലോ മീറ്റര് അകലെയാണ് തീര്ത്ഥാടകര് കുടുങ്ങിയത്. ഇവരെ ചുമന്നാണ് സന്നിധാനത്തെത്തിച്ചത്.
