പത്തനംതിട്ട: തിരുവനന്തപുരം അയിരൂപ്പാറ സ്വദേശിനി നഴ്‌സിംഗ് വിദ്യാര്‍ഥിനി അമ്മു സജീവ് പത്തനംതിട്ടയില്‍ ഹോസ്റ്റല്‍ കെട്ടിടത്തില്‍ നിന്ന് വീണ് മരിച്ച സംഭവത്തില്‍ മൂന്ന് വിദ്യാര്‍ഥിനികളെ പൊലീസ് കസ്റ്റഡിയിലെടുത്തു .അമ്മു സജീവിന്റെ സഹപാഠികളായ മൂന്ന് പേരെയാണ് കസ്റ്റഡിയിലെടുത്തത്.
ഇവര്‍ക്കെതിരെ അമ്മു സജീവിന്റെ കുടുംബം ആരോപണം ഉന്നയിച്ചിരുന്നു. ഇവര്‍ക്കെതിരെ ആത്മഹത്യ പ്രേരണയ്‌ക്ക് കേസെടുക്കുമെന്ന് പൊലീസ് അറിയിച്ചു. കസ്റ്റഡിയിലെടുത്തതില്‍ രണ്ട് പേര്‍ കോട്ടയം സ്വദേശിനികളും ഒരാള്‍ പത്തനാപുരം സ്വദേശിനിയുമാണ്.
ചുട്ടിപ്പാറ കോളേജിലെ അവസാന വര്‍ഷ നഴ്‌സിംഗ് വിദ്യാര്‍ഥിനിയായ അമ്മു സജീവ് ഹോസ്റ്റല്‍ കെട്ടിടത്തിന്റെ മൂന്നാം നിലയില്‍ നിന്നാണ് വീണ് മരിക്കുന്നത്. സഹപാഠികള്‍ തമ്മിലുളള തര്‍ക്കമാണ് അമ്മുവിന്റെ മരണ കാരണമെന്നാണ് അറിയുന്നത്. സഹപാഠികള്‍ക്കെതിരെ അമ്മുവിന്റെ പിതാവ് കോളേജധികൃതര്‍ക്ക് നേരത്തേ പരാതി നല്‍കിയിരുന്നു.
അമ്മുവിന്റേത് കൊലപാതകമാണെന്ന് സംശയമുണ്ടെന്നും സഹോദരന്‍ മാധ്യമങ്ങളോട് പറഞ്ഞു.
നേരത്തേ കോളേജിലേക്ക് എ ബി വി പി ഉള്‍പ്പെടെ വിദ്യാര്‍ത്ഥി സംഘടനകള്‍ പ്രതിഷേധ പ്രകടനം നടത്തിയിരുന്നു.
പ്രതികരിക്കാൻ ഇവിടെ എഴുതുക