എറണാകുളം: കുണ്ടന്നൂര്‍ പാലത്തിനടിയില്‍ കഴിഞ്ഞുവന്ന കുട്ടവഞ്ചിക്കാരെ പൂര്‍ണമായും ഒഴിപ്പിച്ചു. മരട് നഗരസഭയാണ് നടപടി സ്വീകരിച്ചത്.
കര്‍ണാടക സ്വദേശികളായ രണ്ട് കുടുബങ്ങളിലെ 10 പേരെയാണ് ഒഴിപ്പിച്ചത്.ആലപ്പുഴയില്‍ മോഷണം നടത്തിയ കുറുവാ സംഘാംഗം സന്തോഷ് സെല്‍വത്തെ കുണ്ടന്നൂര്‍ പാലത്തിനടിയില്‍ മത്സ്യത്തൊഴിലാളി എന്ന വ്യാജേന കഴിഞ്ഞുവന്നപ്പോഴാണ് പിടികൂടിയത്. ഇതിന് പിന്നാലെയാണ് കുട്ടവഞ്ചിക്കാരെ ഒഴിപ്പിക്കാനുള്ള മരട് നഗരസഭയുടെ തീരുമാനം.
രണ്ടുദിവസം മുമ്പ് ഒഴിപ്പിക്കലിനായി നഗരസഭ ആരോഗ്യ വിഭാഗം എത്തിയപ്പോള്‍ സാവകാശം നല്‍കണമെന്നും സ്വയം ഒഴിഞ്ഞു പോകാമെന്നും കുട്ടവഞ്ചിക്കാര്‍ അധികൃതരോട് പറഞ്ഞിരുന്നു. ഇതനുസരിച്ച് കുറച്ച് പേര്‍ നേരത്തേ ഒഴിഞ്ഞു പോയിരുന്നു.
വ്യാഴാഴ്ച വൈകിട്ട് 4 മണിയോടെ നഗരസഭാ ചെയര്‍മാന്‍ ആന്റണി ആശാംപറമ്പിലിന്റെ നേതൃത്വത്തിലുള്ള സംഘം സ്ഥലത്തെത്തിയപ്പോള്‍ ബാക്കിയുളളവരും ഒഴിഞ്ഞ് പോകുകയായിരുന്നു.
പ്രതികരിക്കാൻ ഇവിടെ എഴുതുക: