നവംബര്‍ 26 വരെ ഓണ്‍ലൈനായി അപേക്ഷിക്കാം
വിശദവിവരങ്ങള്‍ https://recruitment.itbpolice.nic.in ല്‍
ഇന്തോ തിബറ്റന്‍ ബോര്‍ഡര്‍ പോലീസ് സേനയിലേക്ക് വിവിധ തസ്തികകളില്‍ നിയമനത്തിന് അപേക്ഷകള്‍ ക്ഷണിച്ചു.
അസിസ്റ്റന്റ് സബ് ഇന്‍സ്‌പെക്ടര്‍ (എഎസ്‌ഐ)- ലാബറട്ടറി ടെക്നീഷ്യന്. ഒഴിവുകള്‍ 7, റേഡിയോഗ്രാഫര്‍ 3, ഓപ്പറേഷന്‍ തിയറ്റര്‍ (ഒടി) ടെക്നീഷ്യന് 1, ഫിസിയോതെറാപ്പിസ്റ്റ് 1, ശമ്പള നിരക്ക് 29200-92300 രൂപ. യോഗ്യത: ഫിസിക്‌സ്, കെമിസ്ട്രി, ബയോളജി വിഷയങ്ങളോടെ പ്ലസ്ടു/തത്തുല്യം, ബന്ധപ്പെട്ട കോഴ്‌സില്‍ ഡിപ്ലോമ/സര്‍ട്ടിഫിക്കറ്റ്. പ്രായപരിധി 20-28 വയസ്. ലാബറട്ടറി ടെക്നീഷ്യന് ഒരുവര്‍ഷത്തെ പ്രവൃത്തിപരിചയം വേണം. എന്നാല്‍ റേഡിയോഗ്രാഫര്‍ തസ്തികക്ക് ഒരുവര്‍ഷത്തെ പ്രവൃത്തിപരിചയം അഭിലഷണീയം.
ഹെഡ് കോണ്‍സ്റ്റബിള്‍ (എച്ച്‌സി)- സെന്‍ട്രല്‍ സ്‌റ്റെറിലൈസേഷന്‍ റൂം അസിസ്റ്റന്റ്- ഒഴിവ് 1, ശമ്പള നിരക്ക് 25500-81100 രൂപ. യോഗ്യത: പ്ലസ്ടു/തത്തുല്യം, സെന്‍ട്രല്‍ സ്‌റ്റെറിലൈസേഷന്‍ റൂം അസിസ്റ്റന്റ് അംഗീകൃത സര്‍ട്ടിഫിക്കറ്റ് ഉണ്ടാകണം. പ്രായപരിധി 18-25 വയസ്.
കോണ്‍സ്റ്റബിള്‍- പ്യൂണ്‍ 1, ടെലിഫോണ്‍ ഓപ്പറേറ്റര്‍-കം-റിസപ്ഷനിസ്റ്റ് 2, ഡ്രസ്സര്‍ 3, ലിനന്‍ കീപ്പര്‍ 1, ശമ്പള നിരക്ക് 21700-69100 രൂപ. യോഗ്യത: എസ്എസ്എല്‍സി/തത്തുല്യം, ബന്ധപ്പെട്ട ജോലിയില്‍ ഒരുവര്‍ഷത്തെ പ്രവൃത്തിപരിചയം. പിയൂണ്‍ തസ്തികക്ക് പ്രവൃത്തിപരിചയം ആവശ്യമില്ല. പ്രായപരിധി 18-25 വയസ്.
പ്രായപരിധിയില്‍ നിയമാനുസൃത വയസ്സിളവുണ്ട്. വിശദവിവരങ്ങളടങ്ങിയ വിജ്ഞാപനം https://recruitment.itbpolice.nic.in ല്‍ ലഭിക്കും. നവംബര്‍ 26 വരെ ഓണ്‍ലൈനായി അപേക്ഷിക്കാം.
പ്രതികരിക്കാൻ ഇവിടെ എഴുതുക