റിയോ ഡി ജനിറോ: വിദേശകാര്യമന്ത്രി എസ്. ജയശങ്കറിനെ പ്രശംസിച്ച് ഇന്തോനേഷ്യന്‍ പ്രസിഡന്റ് പ്രബോവോ സുബിയാന്തോ. ജി 20 ഉച്ചകോടിയോടനുബന്ധിച്ച് ഇന്തോനേഷ്യയുമായുള്ള ഉഭയകക്ഷി ചര്‍ച്ചയില്‍ പങ്കെടുക്കാന്‍ നരേന്ദ്ര മോദിയും എസ.് ജയശങ്കറും ഒന്നിച്ചാണ് എത്തിയത്.
പ്രബോവോ സുബിയാന്തോ ആദ്യം പ്രധാനമന്ത്രിയെ ഹസ്തദാനം നല്‍കി സ്വീകരിച്ചു. പിന്നാലെ എത്തിയ ജയശങ്കര്‍ സ്വയം പരിചയപ്പെടുത്തിയപ്പോഴാണ് ‘എനിക്ക് നിങ്ങളെ അറിയാം, നിങ്ങള്‍ വളരെ പ്രശസ്തനാണ്. പരിചയപ്പെടുത്തേണ്ട ആവശ്യമില്ല’ എന്ന് ഇന്തോനേഷ്യന്‍ പ്രസിഡന്റ് പറഞ്ഞത്. ഇന്തോനേഷ്യന്‍ പ്രസിഡന്റുമായുള്ള കൂടിക്കാഴ്ചയില്‍, വ്യാപാരം, വാണിജ്യം, ആരോഗ്യം, സുരക്ഷ തുടങ്ങിയ മേഖലകളിലെ സഹകരണം ചര്‍ച്ചയായി.
പ്രബോവോ സുബിയാന്തോ ഇന്തോനേഷ്യന്‍ പ്രസിഡന്റായി തെരഞ്ഞെടുക്കപ്പെട്ടതിന് ശേഷം ജയശങ്കറുമായുള്ള ആദ്യ കൂടിക്കാഴ്ചയായിരുന്നു ഇത്.
പ്രതികരിക്കാൻ ഇവിടെ എഴുതുക