തിരുവനന്തപുരം: കേരള ഷോപ്സ് & കൊമേഴ്സ്യല് എസ്റ്റാബ്ലിഷ്മെന്റ് നിയമം പ്രകാരം വാണിജ്യ സ്ഥാപനങ്ങളുടെ 2025 -ലേയ്ക്കുള്ള രജിസ്ട്രേഷനും, രജിസ്ട്രേഷന് പുതുക്കുന്നതിനുമായി പിഴയില്ലാതെ ഈ മാസം 30-നകം ഓണ്ലൈനായി അപേക്ഷ സമര്പ്പിക്കണമെന്ന് ജില്ലാ ലേബര് ഓഫീസര് അറിയിച്ചു. പുതിയ രജിസ്ട്രേഷന് എടുക്കുന്നതിന് അപേക്ഷയോടൊപ്പം നഗരസഭാ / പഞ്ചായത്ത് ലൈസന്സിന്റെ കോപ്പി, വാടക കെട്ടിടമാണെങ്കില് വാടക കരാര് എന്നിവആവശ്യമുണ്ട്. അപേക്ഷകള് ഓണ്ലൈനായി www.le.kerala.gov.in എന്ന വെബ്സൈറ്റിലൂടെ സമര്പ്പിക്കണം.
രജിസ്ട്രേഷന് എടുക്കാത്തതും പുതുക്കാത്തതുമായ സ്ഥാപനങ്ങള്ക്കെതിരെ പ്രോസിക്യൂഷന് നടപടികള് സ്വീകരിക്കും. കൂടുതല് വിവരങ്ങള്ക്ക് അതത് താലൂക്കുകളിലെ അസിസ്റ്റന്റ് ലേബര് ഓഫീസര്മാരെ ബന്ധപ്പെടാം.
