കഞ്ചിക്കോട് : മുനമ്പത്തെ വഖഫിന്റെ അധിനിവേശത്തില്‍ മുസ്ലിം ലീഗിന്റെ നേതാക്കള്‍ ക്രൈസ്തവ നേതാക്കളുമായി ചര്‍ച്ച നടത്തിയത് എന്തിനാണെന്ന് ബിജെപി സംസ്ഥാന അദ്ധ്യക്ഷന്‍ കെ സുരേന്ദ്രന്‍. വഖഫ് ബോര്‍ഡിന് വേണ്ടി സംസാരിക്കാന്‍ മുസ്ലിം ലീഗ് ആരാണെന്നും കഞ്ചിക്കോട് നടത്തിയ വാര്‍ത്താസമ്മേളനത്തില്‍ അദ്ദേഹം ചോദിച്ചു.
ഭരണഘടനക്ക് മുകളില്‍ ലീഗിന് എന്ത് അധികാരമാണുള്ളത്. വഖഫ് ബോര്‍ഡ് ചെയ്യുന്നതിന് ഞങ്ങള്‍ക്ക് ഉത്തരവാദിത്വമില്ലെന്നാണ് വി ഡി സതീശന്‍ പറഞ്ഞത്. ഇപ്പോള്‍ എങ്ങനെയാണ് മുസ്ലിം ലീഗിന് വഖഫ് കയ്യേറ്റത്തില്‍ ഉത്തരവാദിത്വമുണ്ടാവുന്നത്.
അച്ഛന്‍ പത്തായത്തില്‍ ഇല്ല എന്ന് പറയും പോലെയാണ് ഇപ്പോഴത്തെ ലീഗിന്റെ നിലപാട്. വഖഫ് കയ്യേറ്റം നടത്താന്‍ ഇതുവരെ പറഞ്ഞത് മുസ്ലിം ലീഗാണോ? സര്‍ക്കാരാണോ മദ്ധ്യസ്ഥത വഹിക്കാന്‍ മുസ്ലിം ലീഗിനെ അയച്ചത്? കേരളത്തിലെ ക്രൈസ്തവ സമൂഹത്തെ കബളിപ്പിക്കാനാണ് ലീഗ് ശ്രമിക്കുന്നത്.
കേരളത്തിലെ ക്രൈസ്തവ ന്യൂനപക്ഷങ്ങളെ വഞ്ചിക്കുന്ന നിലപാടാണ് സര്‍ക്കാരും യുഡിഎഫും സ്വീകരിക്കുന്നത്. മുനമ്പത്തേത് വഖഫ് ഭൂമി തന്നെയാണെന്ന് നിയമസഭയില്‍ പറഞ്ഞ് മുസ്ലിം ലീഗ് തിരുത്താന്‍ തയ്യാറാണോയെന്നും സുരേന്ദ്രന്‍ ചോദിച്ചു.
യഥാര്‍ത്ഥത്തില്‍ ഈ പ്രശ്‌നത്തിനുള്ള പരിഹാരം കേന്ദ്ര സര്‍ക്കാര്‍ കൊണ്ടുവന്ന വഖഫ് നിയമഭേദഗതിയാണ്. അതിനോട് എന്താണ് ഇടത് – വലത് മുന്നണികളുടെ നിലപാട്. നിയമസഭയില്‍ അവതരിപ്പിച്ച പ്രമേയം പിന്‍വലിക്കാന്‍ ഇവര്‍ തയ്യാറുണ്ടോ ?
വഖഫ് അധിനിവേശം വെറും മതപരമായ പ്രശ്‌നമല്ല. ഇത് എല്ലാ വിഭാഗം ജനങ്ങളെയും ബാധിക്കുന്നതാണ്. മുസ്ലിം ലീഗ് നടത്തുന്നത് ഇലക്ഷന്‍ സ്റ്റണ്ട് മാത്രമാണെന്നും ബിജെപി സംസ്ഥാന അദ്ധ്യക്ഷന്‍ പറഞ്ഞു.
മുനമ്പത്തെ വഖഫ് അധിനിവേശം : സര്‍ക്കാരാണോ മദ്ധ്യസ്ഥത വഹിക്കാന്‍ മുസ്ലിം ലീഗിനെ അയച്ചതെന്ന് കെ സുരേന്ദ്രന്‍
xr:d:DAFZ5i7fRwc:1704,j:4511886513989761720,t:23101017
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: