ഗാസിയാബാദ് ; ക്ഷേത്ര സമുച്ചയത്തിൽ നിക്കാഹ് നടത്താനുള്ള ശ്രമം തടഞ്ഞ് ഹിന്ദു യുവവാഹിനി . മോദിനഗറിലെ ഗോവിന്ദ്പുരി കോളനിയിൽ സ്ഥിതി ചെയ്യുന്ന ക്ഷേത്ര സമുച്ചയത്തിലാണ് മുസ്ലീം സമുദായത്തിന്റെ വിവാഹ ചടങ്ങ് സംഘടിപ്പിച്ചിരുന്നത്.
പരിപാടികൾക്കായി ക്ഷേത്രപരിസരത്ത് പന്തലുകളും ഒരുക്കങ്ങളും പൂർത്തിയായി. നിക്കാഹ് ആരംഭിച്ചയുടൻ നീരജ് ശർമയുടെ നേതൃത്വത്തിൽ ഹിന്ദു യുവവാഹിനി പ്രവർത്തകർ സ്ഥലത്തെത്തി വിവാഹ ചടങ്ങിനെതിരെ പ്രതിഷേധിച്ചു. ഒരു മതത്തിന്റെ ആരാധന സ്ഥലത്ത് മറ്റൊരു സമുദായത്തിന്റെ ചടങ്ങുകൾ സംഘടിപ്പിക്കുന്നത് ഹിന്ദുമത വിശ്വാസങ്ങൾക്ക് വിരുദ്ധമാണെന്ന് പ്രവർത്തകർ ആരോപിച്ചു. മാത്രമല്ല വിവാഹത്തിനായി ബിരിയാണി അടക്കമുള്ള മാംസാഹാരങ്ങളും ഒരുക്കിയതായി ഇവർ പറഞ്ഞു.
തർക്കം രൂക്ഷമായതോടെ പോലീസ് സ്ഥലത്തെത്തി. സംഭവത്തിൽ അന്വേഷണം നടത്തി ഉചിതമായ നടപടി സ്വീകരിക്കുമെന്ന് പോലീസ് ഉറപ്പ് നൽകി. പിന്നീട് പെൺകുട്ടിയുടെ വീട്ടിൽ വെച്ചായിരുന്നു വിവാഹ ചടങ്ങുകൾ.ഹിന്ദു യുവവാഹിനിയിലെ നീരജ് ശർമയാണ് ക്ഷേത്ര കമ്മിറ്റി അംഗങ്ങൾക്കെതിരെ പരാതി നൽകിയത്.
