ഹൈദരാബാദ്: സത്യജിത്ത് റായിയുടെ പഥേര് പാഞ്ചാലിയിലെ ദുര്ഗ എന്ന കഥാപാത്രത്തെ അനശ്വരമാക്കിയ നടി ഉമാ ദാസ്ഗുപ്ത അന്തരിച്ചു. അര്ബുദം ബാധിച്ച് ഏറെ നാളായി ചികിത്സയിലായിരുന്നു. ഇന്നലെ രാവിലെ എട്ടുമണിയോടെ കൊല്ക്കത്തയിലെ സ്വകാര്യ ആശുപത്രിയില് വച്ചായിരുന്നു മരണം.
ഉമ പഠിച്ചിരുന്ന സ്കൂളിലെ പ്രധാനാദ്ധ്യാപകന് സത്യജിത് റായിയുടെ സുഹൃത്തായിരുന്നു. ഈ അദ്ധ്യാപകനിലൂടെയാണ് റായ് ദുര്ഗ എന്ന വേഷത്തിലേക്ക് ഉമയെ തിരഞ്ഞെടുത്തത്. പഥേര് പാഞ്ചാലി ഭാരതത്തിന്റെ ക്ലാസിക് ചിത്രമായിരുന്നെങ്കിലും പിന്നീട് വളരെ കുറിച്ച് സിനിമകളില് മാത്രമേ ഉമ അഭിനയിച്ചുള്ളൂ. ഉമാ ദാസ് ഗുപ്തയെ കൂടാതെ, സുബിര് ബാനര്ജി, കനു ബാനര്ജി, കരുണ ബാനര്ജി, പിനാകി സെന്ഗുപ്ത, ചുനിബാല ദേവി എന്നിവരും പ്രധാന വേഷങ്ങളില് അഭിനയിച്ചു.
