കൊളംബോ: ന്യൂസിലാന്ഡിനെതിരായ മൂന്ന് മത്സരങ്ങളുടെ ഏകദിന പരമ്പര ശ്രീലങ്കയ്ക്ക്. രണ്ടാം മത്സരം മൂന്ന് വിക്കറ്റിന് വിജയിച്ചാണ് ലങ്ക പരമ്പര നേടിയത്. ന്യൂസിലന്ഡിനെതിരായ വിജയത്തോടെ ഈ വര്ഷം സ്വന്തം നാട്ടില് ശ്രീലങ്ക നേടുന്ന അഞ്ചാമത്തെ പരമ്പര നേട്ടമാണിത്. 12 വര്ഷത്തിനുശേഷമാണ് ന്യൂസിലന്ഡിനെതിരായ ഒരു ഏകദിനപരമ്പര ശ്രീലങ്ക സ്വന്തമാക്കുന്നത്. ഭാരതം, വെസ്റ്റ്ഇന്ഡീസ്, അഫ്ഗാനിസ്ഥാന്, സിംബാബ്വെ എന്നിവര്ക്കെതിരെയായിരുന്നു ശ്രീലങ്കയുടെ മറ്റ് പരമ്പര വിജയങ്ങള്.
രണ്ടാം മത്സരത്തില് ആദ്യം ബാറ്റ് ചെയ്ത ന്യൂസിലന്ഡ് 45.1 ഓവറില് 209 റണ്സിന് എല്ലാവരും പുറത്തായി. മറുപടി ബാറ്റിങ്ങില് 46 ഓവറില് ഏഴ് വിക്കറ്റ് നഷ്ടത്തില് ശ്രീലങ്ക 210 റണ്സെടുത്ത് വിജയം സ്വന്തമാക്കുകയായിരുന്നു. 74 റണ്സുമായി പുറത്താകാതെ നിന്ന കുശാല് മെന്ഡിസാണ് ലങ്കയ്ക്ക് വിജയം സമ്മാനിച്ചത്. മഹീഷ് തീക്ഷണ പുറത്താകാതെ 27 റണ്സുമായി കുശാലിനൊപ്പം പുറത്താകാതെ നിന്നു. ജനിത് ലിയനാഗെ (22), പതും നിസംഗ (28) എന്നിവരും തരക്കേടില്ലാത്ത പ്രകടനം നടത്തി.
ടോസ് നേടിയ ശ്രീലങ്ക ബൗളിങ് തിരഞ്ഞെടുക്കുകയായിരുന്നു. ന്യൂസിലാന്ഡ് ബാറ്റിങ്ങിനിടെ പലതവണ മത്സരം മഴ തടസപ്പെടുത്തി. ഇതോടെ മത്സരം 47 ഓവറായി ചുരുങ്ങി. മാര്ക് ചാംപ്മാന്റെ 76 റണ്സിന്റെയും മിച്ചല് ഹെയുടെ 49 റണ്സിന്റെയും മികവിലാണ് ന്യൂസിലാന്ഡ് സ്കോര് 200 കടന്നത്.
പരമ്പരയിലെ അവസാന മത്സരം ഇന്ന് നടക്കും.
