കോഴിക്കോട്:യുവാവിനെ വീട്ടില് കയറി മര്ദ്ദിച്ചെന്ന് പരാതി. യുവാവും അമ്മയും താമസിക്കുന്ന വാടക വീട്ടില് എത്തിയാണ് മൂന്നംഗസംഘം മര്ദ്ദിച്ചത്.
കഴിഞ്ഞ ദിവസം രാത്രി ഒമ്പത് മണിയോടെയാണ് ആക്രണമുണ്ടായത്. ഈ സമയത്ത് യുവാവ് തനിച്ചാണ് വീട്ടില് ഉണ്ടായിരുന്നത്.
ബൈക്കില് എത്തിയ മൂന്നംഗ സംഘം യുവാവുമായി വാക്കുതര്ക്കത്തില് ഏര്പ്പെട്ട ശേഷം മര്ദ്ദിക്കുകയായിരുന്നു. വീടിന്റെ വാതിലും ജനലും തകര്ത്ത നിലയിലാണ്. ബഹളം കേട്ട് നാട്ടുകാര് എത്തിയപ്പോഴേക്കും അക്രമികള് ഓടി രക്ഷപ്പെട്ടു. ഇവര് എത്തിയ ബൈക്ക് ഉപേക്ഷിച്ചാണ് സംഘം രക്ഷപ്പെട്ടത്. സ്ഥലത്തെത്തിയ കാക്കൂര് പൊലീസ് വാഹനം കസ്റ്റഡിയില് എടുത്തിട്ടുണ്ട്. അക്രമികള്ക്കായി പൊലീസ് തിരച്ചില് ഊര്ജ്ജിതമാക്കി.
