നവി മുംബൈ : പ്രധാനമന്ത്രി നരേന്ദ്രമോദിയുടെ നേതൃത്വത്തിൽ എൻഡിഎയും മഹാരാഷ്‌ട്രയിലെ മഹായുതിയും രാഷ്‌ട്രീയത്തിന് പുതിയ സംസ്കാരവും നിർവചനവും സൃഷ്ടിച്ചുവെന്ന് ബിജെപി ദേശീയ അധ്യക്ഷൻ ജെ പി നദ്ദ പറഞ്ഞു. നവി മുംബൈയിൽ ഒരു തിരഞ്ഞെടുപ്പ് റാലിയെ അഭിസംബോധന ചെയ്തുകൊണ്ട് സംസാരിക്കുകയായിരുന്നു നദ്ദ.
പറഞ്ഞതെല്ലാം ചെയ്തു, പറയാത്തതും ചെയ്യുന്നു എന്ന രാഷ്‌ട്രീയമാണ് ഇന്ന് നമ്മുടെ സർക്കാർ നടപ്പിലാക്കുന്നതെന്ന് നദ്ദ പറഞ്ഞു. സാമ്പത്തിക നയ രംഗത്ത് പ്രധാനമന്ത്രി മോദിയിൽ ലോകം പ്രതീക്ഷയുടെ കിരണമാണ് കാണുന്നതെന്നും ബിജെപി അധ്യക്ഷൻ പറഞ്ഞു. 10 വർഷം മുമ്പ് ഇന്ത്യയുടെ സമ്പദ്‌വ്യവസ്ഥ 12-ാം സ്ഥാനത്തായിരുന്നു എന്നാൽ പ്രധാനമന്ത്രി മോദി രാജ്യത്തെ അഞ്ചാമത്തെ സ്ഥാനത്തെത്തിച്ചുവെന്നും അദ്ദേഹം പറഞ്ഞു.
അതേ സമയം രാഹുൽ ഗാന്ധി ഭരണഘടനയെക്കുറിച്ച് ജനങ്ങളെ തെറ്റിദ്ധരിപ്പിക്കുകയാണ്. രാഹുൽ ഭരണഘടനാ പുസ്തകം വായിച്ചിട്ടില്ല എന്നാൽ അതിനൊപ്പം കറക്കം മാത്രമാണ് അദ്ദേഹത്തിനുള്ളതെന്നും നദ്ദ കുറ്റപ്പെടുത്തി.
കൂടാതെ മഹാരാഷ്‌ട്രയിൽ ബിജെപിയുടെ നേതൃത്വത്തിലുള്ള മഹായുതി സഖ്യം മഹാരാഷ്ട്രയ്ക്ക് പ്രകാശം നൽകുന്ന ഉദയസൂര്യനാണെന്നും മഹാ വികാസ് അഘാഡി മഹാരാഷ്‌ട്രയെ ഇരുട്ടിലേക്ക് തള്ളിവിടുമെന്നും അദ്ദേഹം കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക