കോഴിക്കോട്: ഐ-ലീഗ് സീസണ്‍ തുടങ്ങാനിരിക്കെ മാലി സ്ട്രൈക്കര് അദാമ നിയാനെ സൈനിംഗ് പ്രഖ്യാപിച്ച് ഗോകുലം കേരള എഫ്സി. സ്ട്രൈക്കറായ അദാമ അസര്‍ബൈജാനി ക്ലബ് കപാസ് പിഎഫ്കെയില്‍ നിന്നാണ് ടീമിലേക്കെത്തുന്നത്, അദ്ദേഹത്തിന്റെ അന്താരാഷ്‌ട്ര ടൂര്‍ണമെന്റുകളിലെ പ്രകടനവും ശ്രദ്ധേയമായ ട്രാക്ക് റെക്കോര്‍ഡും ടീമിന് ഗുണമായേക്കുമെന്നാണ് വിലയിരുത്തല്‍.
31 കാരനായ അദാമ നിയാന്‍, ലോകത്തിലെ ചില മുന്‍നിര ലീഗുകളില്‍ തന്റെ കഴിവുകള്‍ പ്രദര്‍ശിപ്പിച്ചിട്ടുണ്ട്. പ്രധാനമായും 2017 സീസണില്‍ ഫ്രാന്‍സിന്റെ ലീഗ് 2 ലെ ടോപ്പ് സ്‌കോററായിരുന്നു അദ്ദേഹം. അവിടെ ട്രോയ്‌സ് എസിക്ക് വേണ്ടി കളിക്കുമ്പോള്‍ 23 ഗോളുകള്‍ നേടി. അദ്ദേഹത്തിന്റെ മികച്ച പ്രകടനങ്ങള്‍ ഫ്രഞ്ച് ഫുട്‌ബോളിന്റെ പ്രീമിയര്‍ ഡിവിഷനായ ലീഗ് 1-ല്‍ കളിക്കാനുള്ള അവസരം നേടികൊടുത്തു, അവിടെ യൂറോപ്പിലെ ചില മികച്ച ക്ലബ്ബുകള്‍ക്കെതിരെയും അദ്ദേഹം മത്സരിച്ചു.
ഫ്രാന്‍സിനപ്പുറം, പേര്‍ഷ്യന്‍ ഗള്‍ഫ് പ്രോ ലീഗ് (ഇറാന്‍), ജൂപ്പിലര്‍ പ്രോ ലീഗ് (ബെല്‍ജിയം), അസര്‍ബൈജാന്റെ പ്രീമിയര്‍ ലിക്ക എന്നിവയുള്‍പ്പെടെ ലോകമെമ്പാടുമുള്ള വിവിധ മുന്‍നിര ലീഗുകളില്‍ നിയാന്‍ കളിച്ചിട്ടുണ്ട്.
പ്രതികരിക്കാൻ ഇവിടെ എഴുതുക