പാലക്കാട്: സന്ദീപ് വാര്യര്‍ പാര്‍ട്ടി വിട്ടതില്‍ ബി ജെ പിക്ക് ഒരു ക്ഷീണവുമില്ലെന്ന് പാലക്കാട്ടെ ബിജെപി സ്ഥാനാര്‍ത്ഥി സി കൃഷ്ണകുമാര്‍. സന്ദീപ് പോയതില്‍ സന്തോഷേയുളളൂ.
അഹങ്കാരം പിടിച്ച് പോയവനെ പ്രവര്‍ത്തകര്‍ ഉള്‍ക്കൊള്ളില്ലെന്നും അദ്ദേഹം പറഞ്ഞു.പാര്‍ട്ടി വക്താക്കളില്‍ ഒരാള്‍ മാത്രമാണ് സന്ദീപ്. അതുകൊണ്ട് ഒന്നും സംഭവിക്കില്ല.
സന്ദീപിന് കൂടുതല്‍കാലം കോണ്‍ഗ്രസില്‍ നില്‍ക്കാന്‍ കഴിയില്ല. പല പാര്‍ട്ടികളുമായി വിലപേശി കൂടുതല്‍ വിലനല്‍കിയ പാര്‍ട്ടിയില്‍ സന്ദീപ് ചേക്കേറിയതാണ്. പ്രത്യയശാസ്ത്രത്തെ തൂക്കി വില്‍ക്കാനാണ് രണ്ടു ദിവസം സന്ദീപ് ബെംഗളൂരുവില്‍ പോയത്.
നവംബര്‍ 20 ന് വോട്ടെടുപ്പ് കഴിഞ്ഞാല്‍ സന്ദീപ് വാര്യരെ കോണ്‍ഗ്രസ് കറിവേപ്പിലയാക്കും. പ്രസ്ഥാനത്തെയും ബലിദാനികളെയും വഞ്ചിച്ചാണ് സന്ദീപ് വാര്യര്‍ പോയതെന്ന് കൃഷ്ണകുമാര്‍ ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക