ശബരിമല : ദര്‍ശനത്തിനെത്തുന്ന മുതിര്‍ന്ന അയ്യപ്പന്മാര്‍ക്കും കൊച്ചുകുട്ടികള്‍ക്കും അംഗപരിമിതര്‍ക്കും പ്രത്യേക പരിഗണന. വലിയ നടപ്പന്തലില്‍ ഒരു വരി ഇവര്‍ക്കായി ഒഴിച്ചിട്ടിട്ടുണ്ട്.പതിനെട്ടാംപടി കയറിയെത്തുന്ന ഇവരെ ഫ്‌ളൈ ഓവര്‍ വഴിയല്ലാതെ നേരിട്ട് ദര്‍ശനത്തിന് അനുവദിക്കുന്നുണ്ട്.
കൊച്ചുകുട്ടികള്‍ക്കൊപ്പം മുതിര്‍ന്ന ഒരാളെയും നേരിട്ട് ദര്‍ശനത്തിനായി കടത്തിവിടുന്നു.ഇക്കാര്യങ്ങള്‍ അറിയാതെ പലരും ഫ്‌ലൈ ഓവര്‍ വഴി പോകാറുണ്ട്.
സംഘമായി വരുന്ന ഭക്തര്‍ കൂട്ടം തെറ്റിപ്പോകുമോ എന്ന ഭയത്താല്‍ പലപ്പോഴും ഇങ്ങനെയുള്ള സൗകര്യങ്ങള്‍ പ്രയോജനപ്പെടുത്താന്‍ മടിക്കുകയാണെന്ന് പൊലീസ് അറിയിച്ചു. പതിനെട്ടാംപടി കയറുമ്പോഴും കുഞ്ഞുങ്ങള്‍ക്കും ഭിന്നശേഷിക്കാര്‍ക്കും പ്രായമായവര്‍ക്കും പ്രത്യേക ശ്രദ്ധ നല്‍കുന്നുവെന്ന് പൊലീസ് അറിയിച്ചു.
പ്രതികരിക്കാൻ ഇവിടെ എഴുതുക: