ചണ്ഡീഗഡ്: എൻസിപി നേതാവും മഹാരാഷ്‌ട്ര മുൻ മന്ത്രിയുമായ ബാബ സിദ്ദിഖിയുടെ കൊലപാതകവുമായി ബന്ധപ്പെട്ട് പഞ്ചാബിൽ ഒരാൾ കൂടി പിടിയിൽ. മഹാരാഷ്‌ട്ര പോലീസുമായി ചേർന്ന് പഞ്ചാബ് പോലീസ് നടത്തിയ സംയുക്ത ഓപ്പറേഷനിലാണ് പഞ്ചാബിലെ ഫാസിൽക്ക സ്വദേശിയായ ഒരാളെ പിടികൂടിയതായി ഉന്നത പോലീസ് ഉദ്യോഗസ്ഥൻ അറിയിച്ചത്.
ഫാസിൽക്ക ജില്ലയിലെ പക്ക ചിഷ്തി സ്വദേശിയായ ആകാശ് ഗില്ലാണ് അറസ്റ്റിലായതെന്ന് പഞ്ചാബ് ഡിജിപി ഗൗരവ് യാദവ് പറഞ്ഞു. ഇയാൾ അറസ്റ്റിലായ പ്രതി ലോറൻസ് ബിഷ്‌ണോയ് സംഘത്തിന്റെ കൂട്ടാളിയാണെന്നും ബാബ സിദ്ദിഖിയുടെ കൊലപാതകത്തിൽ ഉൾപ്പെട്ട വെടിവയ്‌പ്പുകാർക്ക് ലോജിസ്റ്റിക് സഹായം നൽകിയിരുന്നതായി പ്രാഥമിക അന്വേഷണത്തിൽ തെളിഞ്ഞതായും യാദവ് പറഞ്ഞു.
കൂടുതൽ അന്വേഷണങ്ങൾക്കായി ഗില്ലിനെ മുംബൈ പോലീസിന് കൈമാറിയിട്ടുണ്ടെന്നും അദ്ദേഹം പറഞ്ഞു. അതേ സമയം ബാബ സിദ്ദിഖി വധക്കേസിൽ ലോക്കൽ പോലീസ് മുംബൈ പോലീസുമായി ചേർന്ന് പ്രവർത്തിക്കുന്നുണ്ടെന്ന് ആൻ്റി ഗ്യാങ്സ്റ്റർ ടാസ്‌ക് ഫോഴ്‌സ് അഡീഷണൽ ഡയറക്ടർ ജനറൽ ഓഫ് പോലീസ് പ്രമോദ് ബാൻ പറഞ്ഞു.
പ്രതികരിക്കാൻ ഇവിടെ എഴുതുക