എറണാകുളം : പറവൂരില്‍ മോഷണം നടത്തുന്നത് തമിഴ്‌നാട്ടില്‍ നിന്നുളള കുറുവാ സംഘമെന്ന സംശയം നിലനില്‍ക്കുന്ന സാഹചര്യത്തില്‍ പൊതുജനങ്ങള്‍ക്ക് ജാഗ്രതാ നിര്‍ദേശവുമായി മുനമ്പം പൊലീസ്. രാത്രിയില്‍ വീടുകള്‍ പൂര്‍ണമായി ഇരുട്ടിലാകുന്ന സാഹചര്യം ഒഴിവാക്കണമെന്ന് പൊലീസ് ജനങ്ങളോട് ആവശ്യപ്പെട്ടു.
വീടിന് പുറത്ത് ഒരു ലൈറ്റ് ഓണ്‍ ചെയ്ത് ഇടണം. ആയുധ സ്വഭാവമുള്ള വസ്തുക്കള്‍ പറമ്പില്‍ അലക്ഷ്യമായി ഇടരുത്. വീട്ടില്‍ സിസിടിവി ക്യാമറകള്‍ ഉണ്ടെങ്കില്‍ ദൃശ്യങ്ങള്‍ കൃത്യമായി പരിശോധിക്കണം. റോഡുകളില്‍ അസ്വാഭാവിക സാഹചര്യത്തില്‍ ആളുകളെ കണ്ടാല്‍ പൊലീസ് സ്‌റ്റേഷനുമായി ബന്ധപ്പെടാനുണ്ട് നിര്‍ദേശമുണ്ട്.
അതിനിടെ ശനിയാഴ്ച കുണ്ടന്നൂരില്‍ കുറുവാ സംഘാംഗമെന്ന സംശയത്തില്‍ പൊലീസ് പിടികൂടിയ ശേഷം ചാടിപ്പോയ തമിഴ്‌നാട് സ്വദേശി സന്തോഷ് സെല്‍വത്തെ വീണ്ടും പിടികൂടി. നാല് മണിക്കൂറോളം തെരഞ്ഞാണ് ഇയാളെ വീണ്ടും പിടികൂടിയത്.
ഇയാള്‍ക്കൊപ്പം മണികണ്ഠന്‍ എന്നൊരാളെ കൂടി കസ്റ്റഡിയിലെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക