കണ്ണുര്‍: കണ്ണൂര്‍ ജില്ലാ പഞ്ചായത്തിന്റെ പുതിയ അധ്യക്ഷയായി സിപിഎമ്മിലെ അഡ്വ. കെ. രത്‌നകുമാരിയെ തെരഞ്ഞെടുത്തു. കോണ്‍ഗ്രസിലെ ജൂബിലി ചാക്കോയെയാണ് രത്‌നകുമാരി പരാജയപ്പെടുത്തിയത്. രത്‌നകുമാരിക്ക് പതിനാറും കോണ്‍ഗ്രസ് സ്ഥാനാര്‍ത്ഥിക്ക് ഏഴും വോട്ട് ലഭിച്ചു. മുന്‍ ജില്ലാ പഞ്ചായത്ത് പ്രസിഡന്റ് പി.പി. ദിവ്യ വോട്ടെടുപ്പിന് എത്തിയില്ല.
കളക്ടര്‍ അരുണ്‍ കെ. വിജയനായിരുന്നു മുഖ്യവരണാധികാരി. പരിയാരം ഡിവിഷനില്‍ നിന്നാണ് രത്‌നകുമാരി ജില്ലാ പഞ്ചായത്തിലേക്ക് തെരഞ്ഞെടുക്കപ്പെത്. കോടതിയുടെ ജാമ്യ ഹര്‍ജിയിലെ നിബന്ധനകള്‍ കാരണം മുന്‍ ജില്ലാ പഞ്ചായത്ത് പ്രസിഡന്റ് പി.പി ദിവ്യ പങ്കെടുത്തില്ലെന്നാണ് വിശദീകരണം.
എഡിഎം നവീന്‍ ബാബു ജീവനൊടുക്കിയ കേസിലെ പ്രതിയായ ദിവ്യ കോടതി കര്‍ശന ഉപാധികളോടെ ജാമ്യം അനുവദിച്ചതിനെ തുടര്‍ന്ന് ദിവസങ്ങള്‍ക്ക് മുന്‍പ് വനിതാ ജയിലില്‍ നിന്നും മോചിതയായിരുന്നു. കേസിലെ മുഖ്യസാക്ഷിയായ കണ്ണൂര്‍ കളക്ടര്‍ അരുണ്‍ കെ. വിജയന്‍ തെരഞ്ഞെടുപ്പിന്റെ മുഖ്യവരണാധികാരിയായതിനെ തുടര്‍ന്നാണ് ദിവ്യ വിട്ടു നിന്നത്. സാക്ഷികളെ കാണരുതെന്നും സ്വാധീനിക്കാന്‍ ശ്രമിക്കരുതെന്നും തലശേരി പ്രിന്‍സിപ്പല്‍ സെഷന്‍സ് കോടതി അനുവദിച്ച ജാമ്യവ്യവസ്ഥയില്‍ പറയുന്നുണ്ട്.
പ്രതികരിക്കാൻ ഇവിടെ എഴുതുക: