വെളുത്ത നിറമുള്ള എനിക്ക് എങ്ങനെ കറുത്ത കുഞ്ഞ് ജനിച്ചു : വിവാഹമോചനം ആവശ്യപ്പെട്ട് ഭർത്താവ്

ബെയ്ജിംഗ് : കുഞ്ഞിന്റെ നിറം കറുപ്പായതിൽ സംശയിച്ച് ഭർത്താവ് വിവാഹമോചനം തേടി. താനും ഭാര്യയും വെളുത്തവരാണെന്നും എന്നാൽ തങ്ങൾക്ക് ജനിച്ചത് കറുത്ത കുട്ടിയാണെന്നുമാണ് ഭർത്താവ് പരാതിയിൽ പറയുന്നത് . ഭാര്യയുടെ സ്വഭാവം ശരിയല്ലെന്ന് പറഞ്ഞാണ് ഇയാൾ വിവാഹമോചനത്തിന് അപേക്ഷിച്ചിരിക്കുന്നത്.

1 മാസം മുൻപാണ് 30 കാരി സിസേറിയൻ വഴി കുഞ്ഞിന് ജന്മം നൽകിയത് . കുഞ്ഞിന് ഇരുനിറമായതിനാൽ അന്ന് മുതൽ ദമ്പതികൾക്കിടയിൽ അസ്വാരസ്യങ്ങൾ നിലനിൽക്കുന്നുണ്ട്. അതിനു പിന്നലെയാണ് ഭർത്താവ് വിവാഹമോചനം ആവശ്യപ്പെട്ടത്.

ഈ സംഭവം യുവതി സോഷ്യൽ മീഡിയയിൽ പങ്കുവെക്കുകയും ഈ സാഹചര്യം എങ്ങനെ കൈകാര്യം ചെയ്യണമെന്ന് ഉപദേശങ്ങൾ തേടുകയും ചെയ്തു. കറുത്ത നിറമുള്ളതിനാൽ കുട്ടിയെ പിടിക്കാൻ പോലും ഭർത്താവ് വിസമ്മതിച്ചുവെന്ന് യുവതി പറയുന്നു. തുടർന്ന് ഡിഎൻഎ പരിശോധന നടത്തി കുട്ടി തൻ്റേതാണെന്ന് സ്ഥിരീകരിക്കാൻ ആവശ്യപ്പെട്ടു. ഇത് സ്വന്തം കുട്ടിയാണെന്ന് എത്ര പറഞ്ഞിട്ടും ചെവിക്കൊണ്ടില്ലെന്നും യുവതി പറഞ്ഞു.

കുട്ടിയുടെ കറുത്ത നിറം കണ്ട് താനും അത്ഭുതപ്പെട്ടെന്നും എന്നാൽ, നിറത്തിന്റെ പേരിൽ കുട്ടിയെ ഉപേക്ഷിക്കില്ലെന്നും അവർ വ്യക്തമാക്കി. ഇതിനോടകം പോസ്റ്റ് സോഷ്യൽ മീഡിയയിൽ വൈറലായി കഴിഞ്ഞു.