കൊച്ചി: തപസ്യ കലാസാഹിത്യ വേദിയുടെ ആഭിമുഖ്യത്തില് പ്രൊഫ. തുറവൂര് വിശ്വംഭരന് അനുസ്മരണ സദസും പുരസ്കാര സമര്പ്പണവും 17ന് തൃപ്പൂണിത്തുറ മുനിസിപ്പല് ഓഫീസിനു സമീപത്തുള്ള എന്.എം. ഓഡിറ്റോറിയത്തില് നടക്കും. ഏകദിന മഹാഭാരത സമീക്ഷ രാവിലെ 9.30ന് പ്രൊഫ. തോമസ് മാത്യു ഉദ്ഘാടനം ചെയ്യും.
തപസ്യ എറണാകുളം ജില്ലാ അധ്യക്ഷന് വെണ്ണല മോഹന് അദ്ധ്യക്ഷത വഹിക്കും. വ്യാസഭാരതം യഥാര്ത്ഥ നായകനെ തിരിച്ചറിയുമ്പോള് എന്ന വിഷയത്തില് ഡോ. ആനന്ദരാജും ഭാരത ദര്ശനം സമകാല വായന എന്ന വിഷയത്തില് ജന്മഭൂമി ന്യൂസ് എഡിറ്റര് എം. സതീശനും സംസാരിക്കും.
ഉച്ചയ്ക്ക് രണ്ടിന് ചേരുന്ന അനുസ്മരണ സദസ് തപസ്യ സംസ്ഥാന വര്ക്കിങ് പ്രസിഡന്റ് പ്രൊഫ. പി.ജി.ഹരിദാസിന്റെ അധ്യക്ഷതയില് പ്രൊഫ.കെ. ശശിധരന് ഉദ്ഘാടനം ചെയ്യും. ഭാരതീയ വിചാര കേന്ദ്രം ഡയറക്ടര് ആര്. സഞ്ജയന് അനുസ്മരണ പ്രഭാഷണം നടത്തും. തുറവൂര് വിശ്വംഭരന് പുരസ്കാരം ഡോ.എം.ജി. ശശിഭൂഷണിന് നല്കി ആദരിക്കും. തപസ്യ സംസ്ഥാന ജനറല് സെക്രട്ടറി കെ.ടി. രാമചന്ദ്രന്, ഗുരുവായൂര് ശ്രീകൃഷണ കോളജ് സംസ്കൃത വിഭാഗം പ്രൊഫ. ഡോ. ലക്ഷമി ശങ്കര്, വിശ്വംഭരന് മാഷിന്റെ മകള് സുമ, കെ. സതീശ് ബാബു തുടങ്ങിയവര് സംസാരിക്കും.
