കോഴിക്കോട്: എരഞ്ഞിപ്പാലം കോണ്‍ഗ്രസ് മണ്ഡലം കമ്മിറ്റി ഓഫിസില്‍ പണം വച്ച് ചീട്ടുകളിച്ച പ്രവര്‍ത്തകര്‍ അറസ്റ്റില്‍.എരഞ്ഞിപ്പാലം മണ്ഡലം കമ്മിറ്റി ഓഫിസിലാണ് കോണ്‍ഗ്രസ് പ്രവര്‍ത്തകര്‍ പണം വച്ച് ചീട്ടുകളിച്ചത്.
ചീട്ടുകളിച്ച 16 പേരാണ് നടക്കാവ് പൊലീസിന്റെ പിടിയിലായത്. 12000 രൂപയും പൊലീസ് കണ്ടെടുത്തു.
രഹസ്യവിവരം ലഭിച്ചതിനെ തുടര്‍ന്നാണ് നടക്കാവ് പൊലീസ് കോണ്‍ഗ്രസ് കമ്മിറ്റി ഓഫിസിലെത്തിയത്.വിവിധ പ്രദേശങ്ങളില്‍ നിന്നെത്തിയ കോണ്‍ഗ്രസ് പ്രവര്‍ത്തകര്‍ ഒരുമിച്ച് ചീട്ട് കളിക്കുകയായിരുന്നു. പ്രാദേശിക കോണ്‍ഗ്രസ് നേതാക്കളായ നൗഫല്‍, എന്‍ പി അബ്ദുറഹ്മാന്‍, ഷൈജു കെ പി തുടങ്ങിയവര്‍ ഉള്‍പ്പെടെ പിടിയിലായി. പൊലീസ് ഇവര്‍ക്കെതിരെ കേസ് രജിസ്റ്റര്‍ ചെയ്തു.
പ്രതികരിക്കാൻ ഇവിടെ എഴുതുക