കിഴക്കഞ്ചേരി: കഴിഞ്ഞ ഒരാഴ്ചക്കാലമായി മലയോര പ്രദേശമായ പനംകുറ്റി മേഖലയില്‍ കാട്ടാന ഇറങ്ങുന്നത് പ്രദേശത്ത് ഭീഷണി ഉണ്ടാക്കുന്നു.
ഞായറാഴ്ച രാത്രിയും കാട്ടാന ഇറങ്ങി. രാത്രി 12ഓടെ കാട്ടാനയുടെ സാന്നിധ്യം അറിഞ്ഞ് പ്രദേശവാസികളായ സാജന്‍, ബാലന്‍, വാച്ചര്‍ ഷാജി എന്നിവര്‍ പന്തംകൊളുത്തിയും, പടക്കം പൊട്ടിച്ചും ആനയെ ഓടിക്കുകയായിരുന്നു. ഇതിനിടെ ആന തിരിഞ്ഞോടി ഇവരെ ആക്രമിക്കാന്‍ വന്നതായും സാജന്‍ പറഞ്ഞു. ബാലന്റെ പറമ്പിലെ പ്ലാവിന് സമീപമാണ് കാട്ടാന എത്തിയത്.
പ്രദേശത്ത് വ്യാപകമായി കാര്‍ഷിക വിളകള്‍ ഉള്‍പ്പെടെ കാട്ടാന നശിപ്പിച്ചിട്ടുണ്ട്. കാട്ടാന ഭീഷണി തുടര്‍ന്നാല്‍ വീട് ആക്രമിക്കുമോ എന്ന ആശങ്കയിലാണ് ഇവിടത്തുകാര്‍.
പ്രതികരിക്കാൻ ഇവിടെ എഴുതുക: