ദേഹത്ത് മുഴുവന്‍ കുമിളകളുള്ള ഒരു ജീവി തന്നെ ആക്രമിക്കാന്‍ വരുന്നുവെന്ന് നവ്യനായര്‍; ‘ആ പിശാചില്‍ നിന്നും തന്നെ രക്ഷിച്ചത് ലാലേട്ടനും പൃഥ്വിരാജും’

കൊച്ചി: നടി നവ്യനായര്‍ ഈയിടെ കണ്ട സ്വപ്നത്തില്‍ ഒരു പിശാച് തന്നെ വേട്ടയാടുന്നതിനെക്കുറിച്ചാണ് പറയുന്നത്. കൃഷ്ണമണിയൊക്കെ പുറത്തേക്ക് ഉന്തി വീണു കിടക്കുന്ന, ദേഹത്ത് മുഴുവൻ കുമിളകളുള്ള ജീവി തന്നെ ആക്രമിക്കാൻ ശ്രമിച്ചതായാണ് കണ്ടതെന്ന് നവ്യനായര്‍ പറയുന്നു. ഇതിൽ നിന്ന് നവ്യനായരെ രക്ഷപ്പെടുത്താൻ സുകുവേട്ടൻ, രാജു ചേട്ടൻ, ലാലേട്ടൻ ഇവരൊക്കെയാണെന്നും നവ്യ നായര്‍ പറയുന്നു.

പറയുമ്പോൾ കോമഡിയാണെങ്കിലും ഉറങ്ങുമ്പോൾ ഇങ്ങനെയുള്ള സ്വപ്നങ്ങൾ ആണ് കാണുന്നത് എന്നും ഇത്തരത്തിൽ പ്രത്യേക പ്രശ്നങ്ങളെ അിമുഖീകരിക്കുന്ന ഒരു വ്യക്തിയാണ് താനെന്നും ഇങ്ങനെ പ്രശ്നങ്ങൾ ഉള്ളവർക്ക് തന്റെ തുറന്നുപറച്ചിൽ സഹായകരമായേക്കും എന്നു കരുതിയാണ് വ്ലോഗിൽ ഇത് പങ്കുവെച്ചതെന്നും നവ്യ പറയുന്നു.

My dreams എന്ന തലക്കോടെയാണ് നവ്യ വീഡിയോ പങ്കുവെച്ചത്. ‌‌‌തന്റെ ഉറക്കം കെടുത്തുന്ന സ്വപ്നങ്ങളെക്കുറിച്ചാണ് താരം ആരാധകരുമായി സംസാരിക്കുന്നത്..ചെറുപ്പം മുതലെ ധാരാളം സ്വപ്നം കാണാറുണ്ടെന്നും അതിൽ കൂടുതലും തന്നെ ഭയപ്പെടുത്തുന്നവയാണ് എന്നും നവ്യ പറയുന്നു. അതിൽ ഒരു സ്വപ്നം ഒരു കറുത്ത പൂച്ച തന്നെ ആക്രമിക്കുന്നതാണ്. മറ്റൊന്ന് ചരലും മണലും പാറക്കെട്ടുകളും മാത്രമുള്ള ഒരു സാങ്കൽപിക ലോകത്ത് അകപ്പെട്ടതായി കണ്ട സ്വപ്നത്തെക്കുറിച്ചാണ്.