അമൃത്‌സർ ; അമൃത്‌സർ വിമാനത്താവളത്തിലെ എയർഫോഴ്‌സ് സ്‌റ്റേഷനിലേക്ക് അതിക്രമിച്ച് കയറിയ യുവാവ് അറസ്റ്റിൽ. ബിഹാറിലെ കിഷൻഗഞ്ച് സ്വദേശി തൻവീർ ആലം ആണ് പിടിയിലായത് . ഇയാളിൽ നിന്ന് സൈനിക യൂണിഫോമും കണ്ടെടുത്തു.
പിടിയിലായ തൻവീർ ആലം നിരന്തരം മൊഴി മാറ്റുന്നുണ്ടായിരുന്നു. ഏകദേശം 20 ദിവസം മുമ്പ് താൻ കിഷൻഗഞ്ചിൽ നിന്ന് ഭാര്യാസഹോദരൻ മുംബൈയിലുള്ള അക്തറിന്റെ അടുത്തേക്ക് കാറിൽ പോയിരുന്നുവെന്ന് തൻവീർ ആലം പറഞ്ഞു. രണ്ട് ദിവസം മുമ്പ് മുംബൈയിൽ നിന്ന് കിഷൻഗഞ്ചിലേക്ക് പോയിരുന്നുവെങ്കിലും വഴിയിൽ പലയിടത്തും വാഹനങ്ങൾ മാറ്റി അമൃത്സറിലെത്തി.
വിമാനത്താവളത്തിനടുത്തുള്ള ഒരു സ്ത്രീ ഇയാൾക്ക് മദ്യം വാഗ്ദാനം ചെയ്തു. അതിനുശേഷം അയാൾ മദ്യപിക്കുകയും തുടർന്ന് വ്യോമസേന സമുച്ചയത്തിന്റെ മതിൽ ചാടിക്കടക്കുകയും ചെയ്തു എന്നാണ് തൻവീർ ആലം പറയുന്നത് . എന്നാൽ ഇത് അന്വേഷണ ഉദ്യോഗസ്ഥർ മുഖവിലയ്‌ക്കെടുത്തിട്ടില്ല. ഇയാൾക്ക് ഭീകരബന്ധം ഉണ്ടോയെന്നതടക്കം അന്വേഷിക്കും.
പ്രതികരിക്കാൻ ഇവിടെ എഴുതുക: