തിരുവനന്തപുരം: പാലക്കാട് ഉപതെരഞ്ഞെടുപ്പില് ഡോ.പി.സരിനെ സ്ഥാനാര്ഥിയാക്കിയതിനെ വിമര്ശിച്ച് സിപിഎം വഞ്ചിയൂര് ഏരിയാ സമ്മേളനത്തില് പ്രതിനിധികള്. പി.വി.അന്വറിന്റെ കാര്യം ചൂണ്ടിക്കാട്ടിയാണ് വിമര്ശനം.
ഇന്നലെവരെ കോണ്ഗ്രസ് ആയിരുന്ന ആളാണ് സരിന്.എന്നാല് സരിനെ സ്ഥാനാര്ത്ഥിയാക്കിയത് പാര്ട്ടി സ്വീകരിച്ച അടവുനയമാണെന്ന് ജില്ലാ കമ്മിറ്റിക്ക് വേണ്ടി കടകംപള്ളി സുരേന്ദ്രന് മറുപടി പറഞ്ഞു.
കോണ്ഗ്രസ് നേതാവായിരുന്ന പി.വി.അന്വര് ഇടത് സ്വതന്ത്രനായി നിലമ്പൂരില് നിന്ന് രണ്ടു തവണയാണ് മത്സരിച്ച് വിജയിച്ചത്. എന്നാല് അടുത്തിടെ സി പി എമ്മുമായി ഇടഞ്ഞ് മുഖ്യമന്ത്രിക്കും പൊളിറ്റിക്കല് സെക്രട്ടറി പി.ശശിക്കും എതിരെ രൂക്ഷവിമര്ശനം ഉന്നയിച്ച് പാര്ട്ടിയെ പ്രതിരോധത്തിലാക്കി. പിന്നാലെ ഡി എം കെ എന്ന സംഘടനയുമുണ്ടാക്കി.ചേലക്കര ഉപതെരഞ്ഞെടുപ്പില് അന്വറിന്റെ സംഘടനയുടെ സ്ഥാനാര്ത്ഥി മത്സരിക്കുന്നുമുണ്ട്.
