കോഴിക്കോട്:2036 ലെ ഒളിമ്പിക്സ് ലോകം കണ്ട ഏറ്റവും മികച്ച ഒളിമ്പിക്സായി നടത്താന് ഭാരതത്തിന് കഴിയുമെന്ന് കേരള ഒളിമ്പിക്സ് അസോസിയേഷന് പ്രസിഡന്റ് വി സുനില്കുമാര്. ഏറ്റെടുത്ത കാര്യങ്ങള് നടത്തിയെടുക്കുന്നതില് മികവ് കാട്ടുന്ന പ്രധാനമന്ത്രി നമ്മുക്കുണ്ട്. പി ടി ഉഷയെപ്പോലെ മികച്ച ടീമിനെ അദ്ദേഹം കൂടെക്കൂട്ടിയിട്ടുമുണ്ട്.
നേതൃത്വം നല്കാന് മികച്ച നായകനുള്ളതിനാല് ഒളിമ്പിക്സ് കുറ്റമറ്റ രീതിയില് നടക്കും എന്നതുറപ്പ്. ഒളിമ്പിക്്സില് എന്തു നേട്ടം കൈവരിക്കാനാകും എന്നാണ് കായിക രംഗത്തുള്ളവര് ശ്രദ്ധിക്കേണ്ടത്. കുട്ടികളെ കണ്ടെത്തി മെറിറ്റിന്റെ അടിസ്ഥാനത്തില് അവരെ മുന്നോട്ടു ഉയര്ത്തിക്കൊണ്ടു വരാന് കഴിയണം- വി സുനില്കുമാര് പറഞ്ഞു.
ദേശീയ ഗയിംസിന്റെ മാതൃകയില് സ്കൂള് കുട്ടികളുടെ ദേശീയ കായിക മത്സരം സംഘടിപ്പിക്കണമെന്നും സുനില്കുമാര് ആവശ്യപ്പെട്ടു. കായിക രംഗത്തെ രാഷ്ട്രീയത്തിനതീതമായി കാണണമെന്നും സങ്കുചിതമായി കാണരുതെന്നും സുനില് കുമാര് പറഞ്ഞു.
2036 ലെ ഒളിമ്പിക്സ് മുന്നില് കണ്ട് താരങ്ങളെ പ്രോത്സാഹിപ്പിക്കുന്നതിനായി 500 കുട്ടികള്ക്ക് പ്രതിവര്ഷം ഒരു ലക്ഷം രൂപ നല്കുന്ന സ്കോളര്ഷിപ്പ് പദ്ധതി കേരള ഒളിമ്പിക്സ് അസോസിയേഷന് നടപ്പിലാക്കുമെന്നും വി സുനില്കുമാര് പറഞ്ഞു
