കൊച്ചി: സീനിയര്‍ പെണ്‍കുട്ടികളുടെ ഫെന്‍സിങ് സാബര്‍ സീനിയര്‍ വ്യക്തിഗത വിഭാഗത്തില്‍ ഒന്നും രണ്ടും സ്ഥാനങ്ങള്‍ കരസ്ഥമാക്കി കണ്ണൂര്‍ തലശ്ശേരി ഗവ. ടൗണ്‍ എച്ച്എസ്എസ് സ്‌കൂളിലെ മിടുക്കികള്‍. പത്താം ക്ലാസ് വിദ്യാര്‍ത്ഥിനിയായ ഇ. തിയയും ഇതേ സ്‌കൂളിലെ 9-ാം ക്ലാസ് വിദ്യാര്‍ത്ഥിനിയായ എ. ബെര്‍ണിസുമാണ് ഒന്നും രണ്ടും സ്ഥാനങ്ങള്‍ നേടി സ്‌കൂളിന് അഭിമാനമായത്. 15 – 7 ആണ് ഇരുവരുടേയും സ്‌കോര്‍.
സായി സ്‌കൂളിലെ കായികാധ്യാപകന്‍ കൂടിയായ എസ്. സാഗറാണ് ഇരുവരുടെയും പരിശീലകന്‍. തിയക്ക് കഴിഞ്ഞ തവണ വെങ്കലം ലഭിച്ചിട്ടുണ്ട്. മൂന്ന് വര്‍ഷമായി ഫെന്‍സിങില്‍ പരിശീലനം നേടി വരികയാണ്. ഫുട്‌ബോള്‍ കോച്ചായ ഇളംപരുത്തി, പ്രിയ ദമ്പതികളുടെ മകളാണ്. ബെര്‍ണിസ് സംസ്ഥാന കായികമേളയില്‍ ആദ്യമായാണ് പങ്കെടുക്കുന്നത്. തിരുവനന്തപുരം തിരുമല എംഎംഎച്ച്എസ്എസിലെ എസ്. ലിബിനക്കാണ് മൂന്നാം സ്ഥാനം.
പ്രതികരിക്കാൻ ഇവിടെ എഴുതുക: