കോഴിക്കോട്: അരനൂറ്റാണ്ട് പിന്നിട്ട ജന്മഭൂമിയില്‍ തുടക്കം മുതല്‍ ഇന്നും ജോലിചെയ്യുന്ന ഒരേയൊരാള്‍. കെ കുഞ്ഞിക്കണ്ണന്. മാധ്യമലോകത്ത് ‘ജന്മഭൂമി’യുടെ പര്യായമായ പത്രപ്രവര്‍ത്തകന്‍.
തിരുവനന്തപുരത്ത് റസിഡന്റ് എഡിറ്ററായ കുഞ്ഞിക്കണ്ണനെ സുവര്‍ണജയന്തി പരിപാടിയില്‍ പ്രത്യേക ആദരവ് നല്‍കി. മാനേജിംഗ് ഡയറക്ടര്‍ എം രാധാകൃഷ്ണന്‍ പാദ നമസ്‌ക്കാരം ചെയ്ത ശേഷം ഷാള്‍ അണിയിച്ചു. എഡിറ്റര്‍ കെ എന്‍ ആര്‍ നമ്പൂതിരി ആലിംഗനം ചെയ്ത് പുരസ്‌ക്കാരം കൈമാറി. കാലിക്കട്ട് എന്‍ഐടി ഡയറക്ടര്‍ ഡോ പ്രസാദ് കൃഷ്ണ സന്നിഹിതായിരുന്നു.
ആര്‍എസ്എസിലൂടെ പൊതുരംഗത്തുവരികയും ജനസംഘത്തിന്റെ പൂര്‍ണസമയ പ്രവര്‍ത്തകനായി രാഷ്‌ട്രീയത്തിലെത്തുകയും ചെയ്ത കുഞ്ഞിക്കണ്ണന് യുവമോര്‍ച്ച സംസ്ഥാന പ്രസിഡന്റായിരുന്നു. ജന്മഭൂമി ആരംഭിച്ചപ്പോള്‍ കണ്ണൂര്‍ ലേഖകനായിട്ടായിരുന്നു പത്രപ്രവര്‍ത്തന രംഗത്ത് എത്തിയത്. തുടര്‍ന്ന് തിരുവനന്തപുരത്തും കൊച്ചിയിലും ജോലി നോക്കി. ഔദ്യോഗികമായി വിരമിച്ച ശേഷവും ഓഫീസിലെത്തി ജോലി ചെയ്യുന്നു. വാര്‍ത്താ മേല്‍നോട്ടത്തിന് പുറമെ ആഴ്ചയില്‍ രണ്ട് പംക്തിയും കൈകാര്യം ചെയ്യുന്നു.
പ്രതികരിക്കാൻ ഇവിടെ എഴുതുക