പെരുമ്പാവൂർ : പുല്ലുവഴിയിൽ വീട് കുത്തിതുറന്ന് മോഷ്ടിക്കാൻ ശ്രമിച്ചയാളെ പോലീസ് അറസ്റ്റ് ചെയ്തു. ആലപ്പുഴ ചേർത്തല പള്ളിപ്പുറം അൻപനാട്ട് വീട്ടിൽ മഹേഷ് (46)നെയാണ് കുറുപ്പംപടി പോലീസ് അറസ്റ്റ് ചെയ്തത്.
28ന് പുലർച്ചെയാണ് സംഭവം. രായമംഗലം പുല്ലുവഴി ഭാഗത്തുള്ള ഇരുനില വീടിന്റെ പുറക് വശത്തെ വാതിൽ കുത്തിപ്പൊളിച്ച് അകത്ത് കടന്നാണ് മോഷ്ടിക്കാൻ ശ്രമിച്ചത്. ആലുവ ഭഗത്ത് നിന്നുമാണ് ഇയാളെ കസ്റ്റഡിയിലെടുത്തത്.
ചോദ്യം ചെയ്തപ്പോൾ കുറ്റം സമ്മതിക്കുകയായിരുന്നു. സംസ്ഥാനത്തെ വിവിധ പോലീസ് സ്റ്റേഷനുകളിലായി ഇരുപത്തിയഞ്ചോളം കേസിലെ പ്രതിയാണ്. ഇൻസ്പെക്ടർ വി.എം കേഴ്സന്റെ നേതൃത്വത്തിലാണ് അന്വേഷണം നടക്കുന്നത്.
