തൃശൂര്: വാതില് അടയ്ക്കാതെ ഓടിയ സ്വകാര്യ ബസില്നിന്ന് പുറത്തേക്ക് തെറിച്ചുവീണ് യുവതിക്ക് പരിക്ക്. ചേറ്റുവ പച്ചാമ്പുള്ളി വീട്ടില് ഗ്രീഷ്മയ്ക്കാണ് (26) പരിക്കേറ്റത്.
തിങ്കളാഴ്ച ഉച്ചയ്ക്ക് ശേഷം 3.45ഓടെയാണ് അപകടം. ഗുരുവായൂര്-കൊടുങ്ങല്ലൂര് റൂട്ടില് ഓടുന്ന എസ്.എന്.ട്രാന്സ്പോര്ട്ട് ബസില്നിന്നാണ് ഗ്രീഷ്മ തെറിച്ചുവീണത്.
ചാവക്കാട് ബസ് സ്റ്റാന്ഡില് നിന്ന് ആളെ കയറ്റിയ ശേഷം തെക്കെ ബൈപ്പാസിലെ വളവിലെത്തിയപ്പോഴാണ് തുറന്നു കിടന്ന മുന്വാതിലിലൂടെ യുവതി പുറത്തേക്ക് തെറിച്ചുവീണത്.ഗ്രീഷ്മയെ ഉടനെ ആശുപത്രിയില് എത്തിച്ചു.
മലപ്പുറം ജില്ലയില് ദേശീയ ആരോഗ്യ ദൗത്യം ജൂനിയര് പബ്ലിക് ഹെല്ത്ത് നഴ്സാണ് ഗ്രീഷ്മ. ജോലി ചെയ്യുന്ന ബിയ്യം ഹെല്ത്ത് സെന്ററില്നിന്ന് ചേറ്റുവയിലെ വീട്ടിലേക്ക് മടങ്ങവെയാണ് അപകടം.
