കോഴിക്കോട്: പൊതുസ്ഥലത്തെ മദ്യപാനം ചോദ്യം ചെയ്തതിന് ഡിവൈഎഫ്ഐ പ്രവര്ത്തകന്റെ നേതൃത്വത്തില് വീടു കയറി ആക്രമണം. കൊയിലാണ്ടി പന്തലായനി സ്വദേശി ഉണ്ണികൃഷ്ണനും കുടുംബത്തിനും നേരെയാണ് ആക്രമണമുണ്ടായത്.
പരിക്കേറ്റ ഉണ്ണികൃഷ്ണനെയും കുടുംബാംഗങ്ങളെയും കൊയിലാണ്ടി താലൂക്ക് ആശുപത്രിയില് പ്രവേശിപ്പിച്ചു. വീട്ടില് അതിക്രമിച്ച് കയറിയ അക്രമി സംഘം ഉണ്ണികൃഷ്ണനെയാണ് ആദ്യം മര്ദിച്ചത്. തുടര്ന്ന് വീട്ടിലെ ജനല് ചില്ലുകളും അടിച്ചുതകര്ത്തശേഷമാണ് അക്രമികള് പോയത്.
ഉണ്ണികൃഷ്ണനെ മര്ദിക്കുന്നത് തടയാന് ഭാര്യയും മക്കളും ശ്രമിച്ചപ്പോള് അവരെയും ആക്രമിക്കുകയായിരുന്നു. സംഭവത്തില് പൊലീസ് അന്വേഷണം ആരംഭിച്ചു. എന്നാല് സംഭവത്തില് തങ്ങളുടെ പ്രവര്ത്തകന് പങ്കില്ലെന്നാണ് ഡിവൈഎഫ്ഐയുടെ വാദം.
