ചര്‍മ്മത്തില്‍ ഐസ് ക്യൂബ് ഉപയോഗിക്കുന്നത് കൊണ്ട് നിരവധി ഗുണങ്ങളാണുള്ളത്. കാരണം ഐസ് ക്യൂബ് മസാജ് വിവിധ തരത്തിലുള്ള ചര്‍മ്മ പ്രശ്‌നങ്ങള്‍ക്ക് പരിഹാരമാണ്. മുഖത്ത് ഐസ് ക്യൂബ് മസാജ് ചെയ്യുന്നത് കണ്ണുകള്‍ക്ക് ചുറ്റുമുള്ള വീക്കം കുറയ്‌ക്കുക ചെയ്യും. ഐസ് ക്യൂബ് മസാജ് മുഖത്തെ ക്ഷീണം കുറയ്‌ക്കുകയും രക്തയോട്ടം മെച്ചപ്പെടുത്തുകയും ചര്‍മ്മത്തിന് തല്‍ക്ഷണ തിളക്കം നല്‍കുകയും ചെയ്യും.
മുഖക്കുരു ഉള്ളവര്‍ ഐസ് ഉപയോഗിക്കുന്നത് രക്തയോട്ടം മെച്ചപ്പെടുത്തും. കൂടാതെ ഇതിലൂടെ അമിതമായ എണ്ണ ഉല്‍പാദനം തടയകയും ചര്‍മ്മത്തിലെ ചുവപ്പും വീക്കവും കുറയ്‌ക്കാന്‍ സഹായിക്കുമെന്നും നിരവധി പഠനങ്ങളില്‍ പറയുന്നു. വിവിധ തരത്തിലുള്ള ക്രീമുകള്‍ ഉപയോഗിക്കുന്നവരാണ് അധികവും. ഐസ് ഐക്യൂബ് ഉപയോഗിച്ച് മുഖം മസാജ് ചെയ്യുന്നത് ചര്‍മ്മം കൂടുതല്‍ ലോലമാകാന്‍ സഹായിക്കും. മുഖത്ത് പതിവായി ഐസ് പുരട്ടുന്നത് കണ്ണുകള്‍ക്ക് താഴെയുള്ള നീര്‍വീക്കം ഇല്ലാതാക്കാനും കണ്ണുകള്‍ക്ക് താഴെയുള്ള കറുപ്പ് കുറയ്‌ക്കുന്നതിന് 15-20 മിനിറ്റ് നേരം മസാജ് ചെയ്യുന്നത് ഗുണം ചെയ്യും. വീര്‍ത്ത കണ്ണുകള്‍ക്കുള്ള മികച്ചൊരു പരിഹാരമാണ് ഐസ് ക്യൂബ് മസാജ് എന്നും വിദഗ്ധര്‍ പറയുന്നു. ഐസിന്റെ തണുപ്പ് ചര്‍മ്മത്തിന്റെ സുഷിരങ്ങള്‍ ശക്തമാക്കാന്‍ സഹായിക്കുകയും ചുളിവുകളും നേര്‍ത്ത വരകളും പോലുള്ള വാര്‍ദ്ധക്യത്തിന്റെ ലക്ഷണങ്ങളെ പരിമിതപ്പെടുത്തുകയും ചെയ്യുന്നു.
ഐസ് ക്യൂബ് ഉപയോഗിച്ച് മുഖം മസാജ് ചെയ്യുന്നത് സൂര്യാഘാതമേറ്റ ചര്‍മ്മത്തിന് ഏറെ ആശ്വാസം നല്‍കുന്നു. കാരണം ഐസ് ക്യൂബ് സൂര്യപ്രകാശം മൂലമുണ്ടാകുന്ന ചുവപ്പും വീക്കവും ഒഴിവാക്കാന്‍ സഹായിക്കുന്നു. ഐസ് ക്യൂബുകള്‍ നേര്‍ത്ത തുണിയിലോ തൂവാലയിലോ പൊതിഞ്ഞ് മസാജ് ചെയ്യുന്നത് ഏറെ നല്ലതാണ്. അതുമല്ലെങ്കില്‍ തക്കാളി പള്‍പ്പ്, കറ്റാര്‍വാഴ ജ്യൂസ്, കുക്കുമ്പര്‍ ജ്യൂസ് തുടങ്ങിയ ചേരുവകള്‍ ഒരു ഐസ് ട്രേയില്‍ ഫ്രീസ് ചെയ്ത് മുഖത്ത് മസാജ് ചെയ്യാവുന്നതാണ്. ദിവസത്തില്‍ ഒന്നില്‍ കൂടുതല്‍ തവണ മുഖത്ത് ഐസ് ക്യൂബ് കൊണ്ട് മസാജ് ചെയ്യരുത്.
പ്രതികരിക്കാൻ ഇവിടെ എഴുതുക: