മലപ്പുറം : ഖാസി സ്ഥാനം വഹിക്കാനുള്ള പാണ്ഡിത്യം ഇല്ലെന്ന സമസ്ത മുഷവറ അംഗം ഉമര് ഫൈസി മുക്കത്തിന്റെ വിമര്ശനത്തിനിടെ അരിമ്പ്ര മനങ്ങറ്റ ജുമാമസ്ജിദ് ഖാസിയായി പാണക്കാട് സാദിഖലി ശിഹാബ് തങ്ങള് ചുമതലയേറ്റു. മഹല്ല് കമ്മിറ്റിയാണ് സാദിഖലി തങ്ങളെ നിശ്ചയിച്ചത്.
നിങ്ങള് നന്മയുടെ കാര്യം പറയുക. സമസ്തയിലെ പുതിയ വിവാദങ്ങള് നിര്ഭാഗ്യകരമെന്നും പെട്ടെന്ന് പരിഹരിക്കപ്പെടെട്ടേയെന്നും സാദിഖലി ശിഹാബ് തങ്ങള് മാധ്യമങ്ങളോട് പറഞ്ഞു.
ഉച്ചക്ക് 12 മണിയോടെയാണ് പള്ളിയിലെത്തി പാണക്കാട് തങ്ങള് ഖാസി സ്ഥാനം ഏറ്റെടുത്തത്. നേരത്തെ ഉമ്മറലി ശിഹാബ് തങ്ങളായിരുന്നു ഈ പള്ളിയില് ഖാസി സ്ഥാനം വഹിച്ചിരുന്നത്. അദ്ദേഹത്തിന്റെ മരണശേഷം ഖാസി സ്ഥാനം ഒഴിഞ്ഞ് കിടക്കുകയായിരുന്നു.
ഖാസി സ്ഥാനം വഹിക്കാന് പാണക്കാട് സാദിഖലി ശിഹാബ് തങ്ങള്ക്ക് ഇസ്ലാമികമായ പാണ്ഡിത്യം ഇല്ലെന്ന് ഉമ്മര് ഫൈസി മുക്കം പറഞ്ഞത് വലിയ വിവാദമായിരുന്നു.
