കോട്ടയം: സിറോ മലബാര്‍ സഭ ചങ്ങനാശേരി അതിരൂപത ആര്‍ച്ച്ബിഷപ്പ് ആയി തോമസ് തറയിലിന്റെ സ്ഥാനാരോഹണം നടന്നു. ചങ്ങാനാശേരി മെത്രാപ്പൊലീത്തന്‍ പള്ളിയില്‍ ആയിരുന്നു ചടങ്ങ്. സ്ഥാനാരോഹണ ശുശ്രൂഷയില്‍ ആയിരക്കണക്കിന് സഭ വിശ്വാസികളാണ് പങ്കെടുത്തത്. സ്ഥാനം ഒഴിഞ്ഞ ആര്‍ച്ച് ബിഷപ്പ് മാര്‍ ജോസഫ് പെരുന്തോട്ടത്തിലിനുള്ള നന്ദിപ്രകാശനവും നടന്നു.
പ്രത്യേകം തയാറാക്കിയ മദ്ബഹയിലെ ചടങ്ങുകള്‍ക്ക് മേജര്‍ ആര്‍ച്ച് ബിഷപ്പ് റാഫേല്‍ തട്ടില്‍ മുഖ്യ കാര്‍മികത്വം വഹിച്ചു. സ്ഥാനാരോഹണ പ്രാര്‍ത്ഥനകള്‍ക്ക് ശേഷം മേജര്‍ ആര്‍ച്ച് ബിഷപ്പ് പുതിയ മെത്രാപ്പോലീത്തയെ ആശിര്‍വദിച്ചു, അംശവടിഅടക്കം സ്ഥാന ചിഹ്നങ്ങള്‍ കൈമാറി. തുടര്‍ന്ന് മെത്രാപ്പോലീത്തയെ ഔദ്യോഗിക പീഠത്തിലേക്ക് ആനയിച്ചു.
ആര്‍ച്ച്ബിഷപ്പ് തോമസ് തറയിലിനെ സഭയിലെയും ഇതര സഭകളിലെയും മെത്രാന്‍മാര്‍ അനുമോദിച്ചു. ഇന്ത്യയിലെ വത്തിക്കാന്‍ സ്ഥാനപതിയും ചടങ്ങുകളില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: