ദീപാവലി ആശംസകൾ നേർന്ന് പ്രധാനമന്ത്രി നരേന്ദ്രമോദി

ന്യൂദൽഹി : ദീപാവലി ദിനത്തിൽ പ്രധാനമന്ത്രി നരേന്ദ്ര മോദി രാജ്യത്തെ ജനങ്ങൾക്ക് ആശംസകൾ നേർന്നു. തന്റെ ഔദ്യോഗിക എക്സ് അക്കൗണ്ടിലാണ് എല്ലാവർക്കും ആരോഗ്യവും സന്തോഷവും സമൃദ്ധവുമായ ജീവിതം ആശംസിച്ചു കൊണ്ട് ദീപാവലി സന്ദേശം കൈമാറിയത്.

“ദീപാവലിയിൽ രാജ്യത്തെ ജനങ്ങൾക്ക് ഒരുപാട് ആശംസകൾ. ദീപങ്ങളുടെ ഈ ദിവ്യോത്സവത്തിൽ, എല്ലാവർക്കും ആരോഗ്യവും സന്തുഷ്ടവും സമൃദ്ധവുമായ ജീവിതം ആശംസിക്കുന്നു. മാ ലക്ഷ്മിയുടെയും ശ്രീ ഗണേശന്റെയും അനുഗ്രഹത്താൽ എല്ലാവരും അഭിവൃദ്ധി പ്രാപിക്കട്ടെ,”- പ്രധാനമന്ത്രി മോദി എക്‌സിൽ പറഞ്ഞു.

വെളിച്ചങ്ങളുടെ ഉത്സവം എന്നറിയപ്പെടുന്ന ദീപാവലി ഇരുട്ടിന്റെ മേൽ വെളിച്ചത്തിന്റെയും തിന്മയുടെ മേൽ നന്മയുടെയും വിജയത്തെ ആഘോഷിക്കുന്നു.