നടി അനുമോള് അബുദാബിയിലെ ആദ്യ ഹിന്ദുക്ഷേത്രമായ ബാപ്സ് സ്വാമിനാരായണ് ക്ഷേത്രത്തില് ഈയിടെ നടത്തിയത് ആത്മീയയാത്രയോ? എന്തായാലും ഒക്ടോബര് അഞ്ചിന് പങ്കുവെച്ച ഈ ക്ഷേത്രത്തിന്റെ ചിത്രങ്ങള്ക്ക് ലഭിച്ചത് 44,627 ലൈക്കുകള്. ഇന്സ്റ്റഗ്രാമില് താരം ഇത്രയ്ക്ക് ലൈക്കുകള് വാങ്ങുന്നത് ഇതാദ്യം.
ശാന്തഗംഭീരമായ ബാപ്സ് സ്വാമിനാരായണ് ക്ഷേത്രത്തിലെ കൊത്തുപണികളുടെ ഗരിമയ്ക്ക് മുന്നില് വിനയത്തോടെ പിങ്ക് സാരിയില് അനുമോള് പ്രത്യക്ഷപ്പെടുമ്പോള് ആകെക്കൂടി ഒരു ആത്മീയ യാത്രയുടെ ഫീല് ആണ്. സിനിമയുടെ ഗ്ലാമറില് നിന്നും ക്ഷേത്രത്തിന്റെ ആത്മീയാന്തരീക്ഷം തേടുമ്പോള് അനുമോളുടെ ഉള്ളിലും ഒരു പ്രശാന്തത അന്വേഷിക്കുന്ന ഹൃദയമുണ്ടാകാം.
ബാപ്സ് ക്ഷേത്രത്തിന്റെ ദീപാലംകൃത കാഴ്ചയും അനുമോള് പങ്കുവെച്ചിരിക്കുന്നു. ബാപ്സ് ക്ഷേത്രം നോക്കി പുറംതിരിഞ്ഞുനില്ക്കുന്ന അനുമോള് സ്വയം പ്രാധാന്യം നല്കാതെ, സായന്തനത്തിലേക്ക് അലിഞ്ഞുചേരുന്ന ക്ഷേത്രത്തിന്റെ പ്രാര്ത്ഥനാനിര്ഭരമായ കാഴ്ചയാണ് പങ്കുവെയ്ക്കുന്നത്. ക്ഷേത്രത്തിനരികിലെ ജലാശയത്തിന്റെ പച്ചകലര്ന്ന നീലിമയും ഈ ക്ഷേത്രക്കാഴ്ചയെ അനശ്വരമാക്കുന്നു.
