ഇടുക്കി: ചെമ്മണ്ണാറില് മുത്തശിക്കൊപ്പം കാണാതായ നവജാത ശിശുവിനെ മരിച്ച നിലയില് കണ്ടെത്തിയ സംഭവം കൊലപാതകം. കുഞ്ഞിന്റെ അമ്മ ചെമ്മണ്ണാര് പുത്തന്പുരയ്ക്കല് ചിഞ്ചു, ഇവരുടെ മാതാപിതാക്കളായ ഫിലോമിന, സലോമോന് എന്നിവരെ പൊലീസ് അറസ്റ്റു ചെയ്തു.
രാത്രി കുഞ്ഞ് കരഞ്ഞപ്പോള് ചിഞ്ചു കുഞ്ഞിനെ എടുത്ത് എറിഞ്ഞതാണ് മരണ കാരണം.രണ്ട് മാസം പ്രായമുള്ള കുഞ്ഞാണ് മരിച്ചത്. ഭിന്നശേഷിക്കാരിയാണ് ചിഞ്ചു.ഓഗസ്റ്റ് പതിനാറിനാണ് സംഭവം.
പ്രസവത്തിനായി സ്വന്തം വീട്ടിലെത്തിയതായിരുന്നു ചിഞ്ചു. ചിഞ്ചുവും കുഞ്ഞും അമ്മ ഫിലോമിനയും ഒരു മുറിയിലാണ് കിടന്നിരുന്നത്.
സംഭവം ദിവസം രാവിലെ ഫിലോമിനയെയും കുഞ്ഞിനെയും കാണാനില്ലെന്ന് മുത്തച്ഛന് സലോമോനാണ് നാട്ടുകാരെ അറിയിച്ചത്. തെരച്ചിലില് സമീപത്തെ പുരയിടത്തില് നിന്നും കുഞ്ഞിന്റെ മൃതദേഹവും അബോധാവസ്ഥയില് ഫിലോമിനയെയും കണ്ടെത്തി. മുന്പ് മരിച്ചു പോയ അയല്വാസി വിളിച്ചതിനെ തുടര്ന്ന് കുഞ്ഞുമായി ഇറങ്ങിപ്പോയതാണെന്നാണ് ഫിലോമിന പറഞ്ഞത്. ഫിലോമിനയ്ക്ക് മാനസിക ആസ്വാസ്ഥ്യമുണ്ടെന്ന് ഭര്ത്താവ് അറിയിച്ചതിനെ തുടര്ന്ന് കോലഞ്ചേരിയിലെ സ്വകാര്യ ആശുപത്രിയിലാക്കി.
