കൊച്ചി: എസ്എഫ്ഐ സംസ്ഥാന സെക്രട്ടറി പിഎം ആര്‍ഷോ എറണാകുളം മഹാരാജാസ് കോളേജില്‍ നിന്നും പുറത്തു പോകുന്നു.ആര്‍ക്കയോളജി ഏഴാം സെമസ്റ്റര്‍ വിദ്യാര്‍ഥിയാണ് ആര്‍ഷോ. എന്നാല്‍ ദീര്‍ഘനാളായി ആര്‍ഷോ കോളേജില്‍ ഹാജരാകുന്നില്ല.
ഹാജരാകാത്തതിന് കാരണം അറിയിച്ചില്ലെങ്കില്‍ കോളേജില്‍ നിന്ന് പുറത്താക്കുമെന്ന് നോട്ടീസ് നല്‍കിയിരിക്കുകയാണ് അധികൃതര്‍. ആര്‍ഷോയുടെ മാതാപിതാക്കള്‍ക്കാണ് പ്രിന്‍സിപ്പാളിന്റെ നോട്ടീസ് നല്‍കിയത്.
എന്നാല്‍, ആറാം സെമസ്റ്ററിന് ശേഷമുളള എക്‌സിറ്റ് ഓപ്ഷന്‍ എടുക്കുകയാണെന്ന് ആര്‍ഷോ കോളേജിനെ അറിയിച്ചതായാണ് സൂചന.ഈ വിഷയത്തില്‍ കോളേജധികൃതര്‍ സര്‍വകലാശാലയോട് അഭിപ്രായം തേടി. മുഴുവന്‍ പരീക്ഷകളും പാസാകാതെ എക്‌സിറ്റ് ഓപ്ഷന്‍ നല്‍കുന്നതിലാണ് ആശയക്കുഴപ്പം ഉളളത്.
പ്രതികരിക്കാൻ ഇവിടെ എഴുതുക: