ആലുവ : കോൺവെൻ്റ് മഠത്തിന്റെ വാതിൽ കുത്തി തുറന്ന് പണം മോഷ്ടിച്ച കേസിൽ ഒരാൾ അറസ്റ്റിൽ. തമിഴ്നാട് രാധാപുരം കുത്തൻകുള്ളി ചുണ്ടംകാട് ഡാനിയൽ (23) നെയാണ് പറവൂർ പോലീസ് അറസ്റ്റ് ചെയ്തത്.
കഴിഞ്ഞ 15 ന് പറവൂത്തറ ഭാഗത്തുള്ള കോൺവെന്റിൽ നിന്നാണ് മോഷണം നടത്തിയത്. ഇരുപതിനായിരം രൂപയോളം ആണ് ഇയാൾ മോഷ്ടിച്ചത്. തുടർന്ന് നടത്തിയ ശാസ്ത്രീയ അന്വേഷണത്തിനൊടുവിൽ എറണാകുളം കെഎസ്ആർടിസി സ്റ്റാൻഡ് പരിസരത്ത് നിന്നും പിടികൂടുകയായിരുന്നു. ഇയാൾക്കെതിരെ വലിയതുറ, ഞാറക്കൽ,എറണാകുളം നോർത്ത് പോലീസ് സ്റ്റേഷൻ എന്നിവിടങ്ങളിൽ കേസുകൾ നിലവിലുണ്ട്.
മുനമ്പം ഡിവൈഎസ്പി എസ്. ജയകൃഷ്ണന്റെ നേതൃത്വത്തിലുള്ള അന്വേഷണസംഘത്തിൽ ഇൻസ്പെക്ടർ ഷോജോ വർഗീസ്, എസ്ഐ സുധീർ, എഎസ് ഐ ബിജു, എസ് സിപിഒമാരായ രാജേഷ്, ജോസഫ് എന്നിവരാണ് ഉണ്ടായിരുന്നത്.
