രാജപുരം:ആക്രിസാധനങ്ങള്‍ പെറുക്കാനെത്തിയ 50 കാരിയായ നാടോടി സ്ത്രീക്ക് നേരെ മാനഭംഗ ശ്രമം.ചെറുത്ത നില്‍ക്കുന്നതിനിടെ തലക്കടിയേറ്റ് ഗുരുതര പരിക്കേറ്റു.
സംഭവത്തില്‍ പാണത്തൂര്‍ ചെമ്പേരി സ്വദേശി റമീസി(36)നെതിരെ വധശ്രമത്തിന് കേസെടുത്ത് രാജപുരം ഇന്‍സ്‌പെക്ടര്‍ പി.രാജേഷ് അറസ്റ്റ് ചെയ്തു.ബുധനാഴ്ച വൈകിട്ട് ആറുമണിയോടെ പാണത്തൂര്‍ ചെമ്പേരി ബസ് സ്റ്റോപ്പിന് സമീപം വെച്ചാണ് സംഭവം.
ആക്രിസാധനങ്ങള്‍ പെറുക്കുന്നതിനിടയില്‍ യുവതിയെ മദ്യലഹരിയിലായിരുന്ന റമീസ് കയറിപ്പിടിക്കുകയായിരുന്നു. ഈ സമയം യുവതി കൈയ്യില്‍ ഉണ്ടായിരുന്ന ഇരുമ്പുവടി കൊണ്ട് തടയാന്‍ ശ്രമിച്ചു. ഇതോടെ പ്രകോപിതനായ റമീസ് ഇരുമ്പുവടി പിടിച്ചുവാങ്ങി യുവതിയുടെ തലക്കടിക്കുകയായിരുന്നുവെന്ന് പറയുന്നു. നിലവിളി കേട്ട് ഓടിയെത്തിയവര്‍ യുവതിയെ ആശുപത്രിയിലെത്തിച്ചു. കാഞ്ഞങ്ങാട് ആവിക്കരക്ക് സമീപം താമസിക്കുന്ന സ്ത്രീയാണ് അക്രമത്തിനിരയായത്.പിടിവലിക്കിടെ റമീസിന്റെ തലക്ക് പരിക്കേറ്റു.കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
പ്രതികരിക്കാൻ ഇവിടെ എഴുതുക: