ന്യൂഡല്‍ഹി: ഗുണ്ടാനേതാവ് ലോറന്‍സ് ബിഷ്ണോയിയുടെ സഹോദരന്‍ അന്‍മോല്‍ ബിഷ്‌നോയിയെ കുറിച്ച് വിവരം നല്‍കുന്നവര്‍ക്ക് ദേശീയ അന്വേഷണ ഏജന്‍സി (എന്‍ഐഎ) 10 ലക്ഷം രൂപ പാരിതോഷികം പ്രഖ്യാപിച്ചു. ‘ഭാനു’ എന്നും അറിയപ്പെടുന്ന അന്‍മോല്‍ ബിഷ്‌ണോയി വ്യാജ പാസ്‌പോര്‍ട്ടില്‍ ഇന്ത്യയിലില്‍ നിന്നും രക്ഷപ്പെട്ടിരുന്നു. കഴിഞ്ഞ വര്‍ഷം കെനിയയിലും ഈ വര്‍ഷം കാനഡയിലും ഇയാളെ കണ്ടെത്തിയിരുന്നു.
2022ല്‍ പഞ്ചാബ് ഗായകന്‍ സിദ്ധു മൊസ്സെവാലയെ കൊലപ്പെടുത്തിയ കേസില്‍ പ്രതികൂടിയാണ്. അന്‍മോല്‍ ബിഷ്‌ണോയിക്കെതിരെ 18 കേസുകളുണ്ട്.
ഏപ്രില്‍ 14 ന് ഖാന്റെ വസതിക്ക് പുറത്ത് നടന്ന വെടിവയ്‌പ്പുമായി ബന്ധപ്പെട്ട് സോഷ്യല്‍ മീഡിയയില്‍ സംഭവത്തിന്റെ ഉത്തരവാദിത്തം ഏറ്റെടുത്തതിന് ശേഷം മുംബൈ പോലീസ് അന്‍മോലിനെതിരെ ലുക്കൗട്ട് സര്‍ക്കുലര്‍ പുറപ്പെടുവിച്ചിരുന്നു.
ദസറയോടനുബന്ധിച്ച് പടക്കം പൊട്ടിക്കുന്നതിനിടെയാണ് 66 കാരനായ എൻസിപി നേതാവിനെ മൂന്ന് പേർ വെടിവെച്ച് കൊലപ്പെടുത്തിയത്. പ്രതിയുമായി അൻമോൽ ബിഷ്‌ണോയി നേരിട്ട് ബന്ധപ്പെട്ടിരുന്നതായും കാനഡയിൽ നിന്നും യുഎസിൽ നിന്നും പ്രതിയുമായി ബന്ധം പുലർത്താൻ സോഷ്യൽ മീഡിയ ആപ്ലിക്കേഷൻ സ്‌നാപ്ചാറ്റ് ഉപയോഗിച്ചിരുന്നതായും പോലീസ് പറഞ്ഞു.
ഷൂട്ടർമാർ, സൂത്രധാരൻ പ്രവീൺ ലോങ്കർ, അൻമോൽ ബിഷ്‌ണോയി എന്നിവർ പരസ്പരം നേരിട്ട് ബന്ധപ്പെടുകയും സന്ദേശങ്ങൾ സ്‌നാപ്ചാറ്റിൽ ലഭിച്ചതിന് ശേഷം ഇല്ലാതാക്കുകയും ചെയ്തു.
നടൻ സൽമാൻ ഖാനുമായുള്ള അടുത്ത ബന്ധമാണ് സിദ്ദിഖിനെ ലക്ഷ്യമാക്കിയതെന്നും ദാവൂദ് ഇബ്രാഹിമിനെപ്പോലുള്ള അധോലോക വ്യക്തികളുമായി ബന്ധമുണ്ടെന്നും ബിഷ്‌ണോയ് സംഘത്തിലെ ഒരാൾ ഫേസ്ബുക്ക് പോസ്റ്റിലൂടെ അവകാശപ്പെട്ടു.
ബാബ സിദ്ദിഖിന്റെ കൊലപാതകവുമായി ബന്ധപ്പെട്ട് രണ്ട് വെടിവെപ്പുകാരും ആയുധ വിതരണക്കാരനും ഉൾപ്പെടെ 10 പേരെ ഇതുവരെ പോലീസ് അറസ്റ്റ് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക