കോട്ടയം: ജെസ്ന മരിയ ജയിംസ് തിരോധാനത്തില് സിബിഐ കൂടുതല് പേരില്നിന്നു മൊഴിയെടുത്തു. മുണ്ടക്കയം, കൊല്ലമുള, പുഞ്ചവയല്,എരുമേലി പ്രദേശങ്ങളില് ജെസ്നയെ പരിചയമുണ്ടായിരുന്നവരില് നിന്നാണ് വിവരങ്ങള് തേടിയത്.
മുണ്ടക്കയത്തെ സ്വകാര്യ ലോഡ്ജ് ജീവനക്കാരി രണ്ടു മാസം മുമ്പ് നടത്തിയ അവകാശവാദവും മൊഴിയും സിബിഐ തള്ളി. കാണാതാകും മുമ്പ് ജെസ്ന ആണ്സുഹൃത്തിനൊപ്പം ലോഡ്ജില് എത്തിയെന്നാണ് ഇവര് പറഞ്ഞത്.
ജെസ്ന പഠിച്ച കാഞ്ഞിരപ്പള്ളി സെന്റ് ഡൊമിനിക്സ് കോളേജിലെ അധ്യാപകര്, സഹപാഠികള്, കൊല്ലമുളയിലെ സുഹൃത്തുക്കള് എന്നിവരില്നിന്നു രണ്ടു മാസം മുമ്പ് സി ബി ഐ ഉദ്യോഗസ്ഥര് വിവരങ്ങള് ചോദിച്ചിരുന്നു.
അന്വേഷണത്തിന് ആറു മാസത്തെ സമയമാണ് തിരുവനന്തപുരം സിജെഎം കോടതി സിബിഐക്ക് നല്കിയിരിക്കുന്നത്. ജെസ്നയുടെ പിതാവ് നല്കിയ സൂചനകളും കണക്കിലെടുത്താണ് ആറംഗ സിബിഐ സംഘം അന്വേഷണം നടത്തുന്നത്.
