കൊച്ചി: തിരുവിതാംകൂര്‍ ദേവസ്വം ബോര്‍ഡ് സിപിഎമ്മിന്റെ പോഷക സംഘടനയല്ലെന്നും ബോര്‍ഡിനെ രാഷ്‌ട്രീയമുക്തമാക്കണമെന്നും വിശ്വഹിന്ദു പരിഷത്ത് സംസ്ഥാന ഘടകം. ദേവസ്വം ബോര്‍ഡിലെ ഇടത്-വലത് രാഷ്ട്രീയ ഇടപെടലുകള്‍ അവസാനിപ്പിക്കണം.
23ന് നടക്കുന്ന തിരുവിതാംകൂര്‍ ദേവസ്വം ബോര്‍ഡിന്റെ പ്ലാറ്റിനം ജൂബിലി ആഘോഷങ്ങളുടെ പ്രചരണാര്‍ത്ഥം ക്ഷേത്രങ്ങളില്‍ പ്രദര്‍ശിപ്പിച്ചിരിക്കുന്ന ബാനറുകളിലും പോസ്റ്ററുകളിലും മുഖ്യമന്ത്രി ഉള്‍പ്പെടെയുള്ള രാഷ്ട്രീയ നേതാക്കളുടെ ചിത്രങ്ങള്‍ മാത്രമാണുള്ളത്. തിരുവിതാംകൂര്‍ ദേവസ്വത്തിന് ക്ഷേത്രങ്ങളുടെ ഭരണ ചുമതല കൈമാറിയ ശ്രീചിത്തിര തിരുനാള്‍ മഹാരാജാവിന്റെ ചിത്രം ഒഴിവാക്കിയാണ് ഇത്തവണ ഡയറി ഇറക്കിയത്.
ദേവസ്വങ്ങളെ സിപിഎമ്മിന്റെ പോഷക സംഘടനയാക്കി മാറ്റാനുള്ള ബോധപൂര്‍വമായ ഇടപെടലുകളാണിതെന്ന് വിശ്വഹിന്ദു പരിഷത്ത് സംസ്ഥാന അദ്ധ്യക്ഷന്‍ വിജി തമ്പി, ജന. സെക്രട്ടറി വി.ആര്‍. രാജശേഖരന്‍ എന്നിവര്‍ പറഞ്ഞു.
