മസ്കറ്റ്: എമേര്ജിങ് ഏഷ്യാ കപ്പ് ക്രിക്കറ്റ് ചാമ്പ്യന്ഷിപ്പില് ഭാരത എ ടീമിന് തുടര്ച്ചയായ രണ്ടാം വിജയം. ആദ്യ കളിയില് പാകിസ്ഥാനെ കീഴടക്കിയ ഭാരതം ഇന്നലെ യുഎഇയെ പരാജയപ്പെടുത്തി. ഏഴ് വിക്കറ്റിനായിരുന്നു വിജയം. ആദ്യം ബാറ്റ് ചെയ്ത യുഎഇ 16.5 ഓവറില് 107 റണ്സിന് പുറത്തായി. മറുപടി ബാറ്റിങ്ങില് ഭാരതം 10.5 ഓവറില് മൂന്ന്് വിക്കറ്റ് നഷ്ടത്തില് 111 റണ്സെടുത്ത് വിജയം സ്വന്തമാക്കി.
58 റണ്സെടുത്ത അഭിഷേക് ശര്മ്മയയാണ് ഭാരതത്തെ അനായാസ വിജയത്തിലേക്ക് നയിച്ചത്. 24 പന്തില് നിന്ന് ആറ് ഫോറും നാല് സിക്സുമടക്കമാണ് അഭിഷേക് ശര്മ്മ 58 റണ്സെടുത്തത്. 21 റണ്സെടുത്ത നായകന് തിലക് വര്മയും മികച്ച പ്രകടനം പുറത്തെടുത്തു. പ്രഭ്സിമ്രാന് സിങ്ങ് എട്ട് റണ്സെടുത്തും പുറത്തായി. 12 റണ്സുമായി ആയുഷ് ബദോനിയം ആറ് റണ്സുമായി നേഹല് വധേരയുമായിരുന്നു ഭാരതം വിജയത്തിലെത്തുമ്പോള് ക്രീസില്.
നേരത്തെ ടോസ് നേടി ബാറ്റിങ് തെരഞ്ഞെടുത്ത യുഎഇ ഒറ്റയാനായി പൊരുതിയ രാഹുല് ചോപ്രയുടെ അര്ദ്ധസെഞ്ചുറി കരുത്തിലാണ് 107 റണ്സെടുത്തത്. രാഹുല് ചോപ്രയ്ക്ക് പുറമെ നായകന് ബാസില് ഹമീദ് (22), മായാങ്ക് കുമാര് (10) എന്നിവരാണ് യുഎഇയില് രണ്ടക്കം കടന്ന മറ്റുള്ളവര്. ഭാരതത്തിന് വേണ്ടി രാസിക് സലാം മൂന്നും രമണ്ദീപ് സിങ് രണ്ടും വിക്കറ്റുകള് വീഴ്ത്തി. 23ന് ഒമാനുമായാണ് ഗ്രൂപ്പ് ബിയിലെ ഭാരതത്തിന്റെ അവസാന മത്സരം
