കൃഷ്ണഗിരി: സി.കെ. നായിഡു ട്രോഫിയില് കേരളം ശക്തമായ നിലയില്. രണ്ടാം ദിവസം കളി നിര്ത്തുമ്പോള് ഉത്തരാഖണ്ഡിനെതിരെ 4 വിക്കറ്റ് നഷ്ടത്തില് 326 റണ്സെന്ന ശക്തമായ നിലയിലാണ് കേരളം. സെഞ്ചുറി നേടിയ വരുണ് നായനാരുടെയും ഷോണ് റോജറുടെയും ഇന്നിങ്സുകളാണ് കേരളത്തെ ശക്തമായ നിലയിലെത്തിച്ചത്.
രണ്ട് വിക്കറ്റിന് 231 റണ്സെന്ന നിലയിലാണ് രണ്ടാം ദിവസം കേരളം കളി തുടങ്ങിയത്. എന്നാല് സ്കോര് 259 ല് നില്ക്കെ വരുണ് നായനാരുടെ വിക്കറ്റ് നഷ്ടമായി. 122 റണ്സായിരുന്നു വരുണ് നേടിയത്. 17 ഫോറും ഒരു സിക്സും അടങ്ങുന്നതായിരുന്നു വരുണിന്റെ ഇന്നിങ്സ്. തുടര്ന്നെത്തിയ രോഹന്നായര് ഏകദിന ശൈലിയില് ബാറ്റിങ് തുടങ്ങിയെങ്കിലും 25 റണ്സെടുത്ത് പുറത്തായി.
ഇതിനിടയില് ഷോണ് റോജര് സെഞ്ച്വറി പൂര്ത്തിയാക്കി. ടൂര്ണമെന്റില് ഈ സീസണിലെ ഷോണിന്റെ രണ്ടാം സെഞ്ച്വറിയാണ് ഇത്. കഴിഞ്ഞ മത്സരത്തില് ചണ്ഡീഗഢിനെതിരെയും ഷോണ് സെഞ്ച്വറി നേടിയിരുന്നു. മഴയെ തുടര്ന്ന് കളി നേരത്തെ നിര്ത്തുമ്പോള് ഷോണ് 113 റണ്സുമായി ക്രീസിലുണ്ട്.
ഉത്തരാഖണ്ഡിന് വേണ്ടി ആദിത്യ റാവത്ത് രണ്ടും അജയ്, ഹര്ഷ് റാണ എന്നിവര് ഓരോ വിക്കറ്റും നേടി.
