മുംബൈ: കർവാ ചൗത്ത് ദിനത്തിൽ കൃഷ്ണദാസിന്റെ കീർത്തൻ പരിപാടി ആസ്വദിച്ച് ക്രിക്കറ്റ് താരം വിരാട് കോഹ്ലിയും ഭാര്യയും നടിയുമായ അനുഷ്ക ശർമ്മയും. മുംബൈയിലെ നെസ്കോയിൽ നടന്ന പരിപാടിയിൽ ഇരുവരും പങ്കെടുക്കുന്ന ചിത്രങ്ങൾ സംഘാടകരാണ് പുറത്തുവിട്ടത്.
ഇരുവരുടെയും സാന്നിധ്യം പരിപാടിയെ കൂടുതൽ സവിശേഷമാക്കിയെന്നും സംഘാടകർ ഇൻസ്റ്റഗ്രാമിൽ കുറിച്ചു. ദമ്പതികൾ കീർത്തനം ആസ്വദിക്കുന്നതിന്റെ നിരവധി ഫോട്ടോകളും വീഡിയോകളും സോഷ്യൽ മീഡിയയിൽ പ്രചരിക്കുന്നുണ്ട്.
നേരത്തെയും കൃഷ്ണദാസിന്റെ കീർത്തൻ പരിപാടിയിൽ ഇരുവരും പങ്കെടുത്തിട്ടുണ്ട്. കഴിഞ്ഞ ജൂലൈയിൽ ഇന്ത്യയുടെ ലോകകപ്പ് വിജയത്തിന് ശേഷം ലണ്ടനിൽ നടന്ന പരിപാടിയിലും ഇരുവരും പങ്കെടുത്തിരുന്നു. ഇതിന്റെ ദൃശ്യങ്ങളും അനുഷ്ക ജയ് ശ്രീറാം വിളിക്കുന്നതുമെല്ലാം സോഷ്യൽ മീഡിയയിൽ വൈറലായിരുന്നു.
ജെഫ്രി കാഗേൽ എന്നാണ് കൃഷ്ണദാസിന്റെ യഥാർത്ഥ പേര്. ഹിന്ദുഭക്തിഗാനങ്ങൾ കോർത്തിണക്കിയാണ് കീർത്തൻ പരിപാടി അവതരിപ്പിക്കുന്നത്. 1960 ൽ ആത്മീയ യാത്രയ്ക്കായി ഇന്ത്യയിലെത്തിയ അദ്ദേഹം നീം കരോലി ബാബയുടെ ശിഷ്യനായി മാറുകയായിരുന്നു.
