ചാലക്കുടി: വാല്പ്പാറയില് നാല്് വയസ്സുകാരിയെ പുലി കടിച്ചെടുത്തുകൊണ്ടുപോയി കൊന്നു. ഝാര്ഖണ്ഡ് സ്വദേശി അയിനൂര് അന്സാരിയുടെ മകള് അപ്സര ഖാത്തൂരാണ്
(4)കൊല്ലപ്പെട്ടത്.
ശനിയാഴ്ച ഉച്ചക്ക് രണ്ടരയോടെയാണ് സംഭവം. വീട്ടില് കളിച്ചു കൊണ്ടിരിക്കുമ്പോള് പുലി വന്ന് കൂട്ടിയെ കടിച്ചെടുത്തു കൊണ്ടു പോവുകയായിരുന്നു. കുട്ടിയെ കൊണ്ട് പൂലി പോകുന്നത് കണ്ട സമീപ വാസികള് പാട്ടയും മറ്റും കൊട്ടി ബഹളം വെച്ചപ്പോള് കുട്ടിയെ ഉപേക്ഷിച്ച് പുലി ഓടി രക്ഷപ്പെട്ടെങ്കിലും ചോരവാര്ന്ന് കുട്ടി മരിച്ചിരുന്നു. മൃതദേഹം വാല്പ്പാറയിലെ സര്ക്കാര് ആശുപത്രിയിലേക്ക് മാറ്റിയിരിക്കുകയാണ്.
കേരള വാല്പ്പാറ അതിര്ത്തിയിലെ ഊശി മലയിലെ തേയില തോട്ടത്തിലാണ് സംഭവം. തോട്ടം തൊഴിലാളികള് താമസിക്കുന്ന ലായത്തില് നിന്നാണ് കുട്ടിയെ പുലിയെടുത്തുകൊണ്ടു പോയത്. പുലിയുടെ വലിയ ശല്യമുള്ള പ്രദേശമാണിവിടെ.
